出院後嘅混亂人生 (D4-D100)

出院後嘅混亂人生,簡直往事不堪回首,睇返臨時記事本,全部都係point form。

陪月都話,你真係日日新鮮,有唔同痛症。我嘅人生就係咁dramatic,有乜辦法。總之坐月嗰一個月,就係不停輪迴。啜奶痛、乳頭痛、下面傷口痛、行到隻蟹咁、大出血、塞奶燒、痔瘡痛、胃痛、屙油、嘔菜、被薑水搞到皮膚敏感、辣親。

你睇吓嗰陣時我寫咗啲乜嘢:「每一次埋身,我當比佢咬開啲窿,然後出奶柱又會變粗咗。每一次嘅痛楚,都係為咗令我乳頭結焦、成長。擺明同生仔嗰陣時一樣,每一下陣痛都係為咗開宮頸。

繼續閱讀 「出院後嘅混亂人生 (D4-D100)」

三日兩夜病房餵奶遊戲

生產個日「三日產房之旅 – 生仔都要趕deadline」,全日淨係食左幾粒提子同飲水(生個日淨係食左個芝士包),居然一啲都唔肚餓(好似打完止痛針之後有一段時間肚餓,但好快就要生要打仗,所以唔得閒),生死邊緣真係好恐怖。 繼續閱讀 「三日兩夜病房餵奶遊戲」