懷孕產檢時間表 – 中期懷孕檢查(17-27wk: 包括照結構)

懷孕中期症狀

終於可以順利痾得番屎,雖然唔一定夠力,但起碼都叫食得夠、屙得出。但有時候唔夠力屙清,又唔敢太大力痾,人生真係好難。

終於食得返野,咩都好想食,乜嘢調味料都好想落。但一食就好容易過重,醫生話一個星期最好唔好重超過0.5公斤,但我有一日就已經重咗0.5公斤⋯⋯然後就會有啲惡魔朋友,係你身邊講咩一個人食養兩個人,計埋羊水都唔係好重啫⋯⋯

條腰開始好酸軟,可能關脊柱側彎事,16週幾就研究緊托腹帶。戴咗托腹帶行路真係冇咁痛,但去廁所成日要順返啲位,其實都幾煩。同埋因為肚皮敏感,所以我要喺入邊着件heat tech或背心仔先至再加托腹帶。

好似話孕婦吸入嘅空氣有50%嘅氧氣,都俾曬隻野。唔怪得知我成日唞唔到氣。

由24wk開始,每晚沖完涼查完cream,都有做拉毛巾練習,等cream dry out。

25wk開始,晚晚都有坐大fit ball

繼續閱讀…