好彩臨生之前年幾，轉左大公司，有一個好好嘅哺乳室，入邊有洗手盆、熱水機、雪櫃、沙發。所以要準備嘅嘢比其他媽媽少。
育兒 – 塞奶篇(D118 D237)+解決塞奶方法
繼「育兒 – 哺乳埋身篇」，塞奶與我的距離。
D118
早兩三次泵奶，已經feel到右邊奶量越來越少，就知道佢就嚟塞。見[非官方非正式之塞奶原因]。 繼續閱讀 「育兒 – 塞奶篇(D118 D237)+解決塞奶方法」
產後 – 紮肚篇
紮肚師認為，每一胎都應該紮肚，腹直肌回復好，生二胎都會順利啲。紮肚呢，順產要一個月後，開刀要兩個月後，仲要清晒惡露。仲有嘅係，如果嚟緊M係唔紮得肚嘅。
而我本身脊柱側彎，有一邊肋骨會比較突出。都話我嘅人生好戲劇性㗎啦，紮個肚姐，都係10日嘅事，風都打咗兩個。正路來講，紮5日、休2日、再紮5日。
育兒 – 儲奶袋評比
無論你係全職家庭主婦定係在職媽媽，選擇得餵人奶嘅，就要對奶袋有認識。無論係雪奶定係冰奶都需要用到儲奶袋。
第一胎嘅時候我會將泵出嚟嘅人奶倒落奶樽，然後直接放喺雪櫃，要餵嘅時候先加加減減咁倒適合嘅份量出嚟。放冰格嘅冰奶，先至用奶袋。同埋當時奶量唔算多（應該係多奶嘅時候，個女就厭奶；塞奶嘅時候個女就掹長期），所以對奶袋嘅使用仲未到爐火純青。慢慢就發現放響奶樽啲雪奶，好似會有啲蘇味。
第一胎餵到差唔多歲半，大概一歲開始我就將雪奶都用奶袋去裝，係冇咁環保，但係可能少咗同空氣接觸，倒出嚟嘅奶感覺上同埋味道上，都好似保鮮啲。
然後第二胎上奶好成功，完全供過於求。又加上有朋友不停送唔要嘅、唔同牌子嘅奶袋俾我，所以就可以生成呢篇文章。
延伸閱讀：育兒 – 電動奶泵嘅選擇
育兒 – 電動奶泵及奶泵配件嘅選擇
選擇電動奶泵
今日要講嘅係電動奶泵機嘅選擇。我自己用過(1)Youha The One, (2) Youha免提, (3) Medela Swing, (4) Pigeon電動單邊手泵, (5) Spectra S1, (6)Spectra dual compact。
跳去最下邊，仲會分享吓我用嘅奶泵配件 / 唔同喇叭配唔同泵奶機。
育兒 – 哺乳泵奶篇
育兒 – 哺乳埋身篇
餵唔餵人奶都只不過係媽媽嘅選擇，本住「關你屁事」嘅原則，對奶喺自己嘅，其他人係唔可以咁多聲氣。而想餵人奶，前提梗係要有奶啦，無嘅話我哋都無得選擇亦無得強求，都係要喂奶粉架啦，唔通餓死佢咩「孕期 – 奶粉選擇」。
想當然，健康院、醫院、政府都一定會推你餵母乳，亦都會有好多唔同嘅方法，肉體上、精神上去協助你上奶。詳情可以睇迫死媽媽系列 – 人奶vs奶粉。
去到選擇咗餵人奶，又會分為兩大類，一係親餵埋身，二係全泵媽，或者係一半半。 再佛系少少，有幾多餵幾多，唔強求，冇咪補奶粉囉。只要有陽光空氣同水份，隻嘢就會長大。
今日要講嘅係埋身親餵嘅選擇。 繼續閱讀 「育兒 – 哺乳埋身篇」
育兒 – Fun Fact
以下係我收集左嘅，我自己覺得好好笑，或者好有趣嘅知識。
開刀麻醉/嬰兒半夜啼哭/BB似老公/腸痛水 繼續閱讀 「育兒 – Fun Fact」
產後媽媽身體變化
產後媽媽身體變化好大，身體真係同做女嘅時候唔同左。除咗餵緊人奶仲未嚟M，身體上面嘅種種唔同，都不停提醒自己，已經係人哋媽媽。又或者因為荷爾蒙，所以獲得種種超能力。
荷爾蒙鬆弛素急降/秒速入睡能力/秒醒/乳頭sensor/體味/頭髮/孕期痔瘡/一孕傻三年 繼續閱讀 「產後媽媽身體變化」
出院後嘅混亂人生 (D4-D100)
出院後嘅混亂人生，簡直往事不堪回首，睇返臨時記事本，全部都係point form。
陪月都話，你真係日日新鮮，有唔同痛症。我嘅人生就係咁dramatic，有乜辦法。總之坐月嗰一個月，就係不停輪迴。啜奶痛、乳頭痛、下面傷口痛、行到隻蟹咁、大出血、塞奶燒、痔瘡痛、胃痛、屙油、嘔菜、被薑水搞到皮膚敏感、辣親。
你睇吓嗰陣時我寫咗啲乜嘢：「每一次埋身，我當比佢咬開啲窿，然後出奶柱又會變粗咗。每一次嘅痛楚，都係為咗令我乳頭結焦、成長。擺明同生仔嗰陣時一樣，每一下陣痛都係為咗開宮頸。」