[星展] 政府一萬蚊:如何用HK$50本金,一次過滾九個印花翻黎($150)

忙左一排,依家先開始研究。要點樣諗辦法賺盡一萬蚊嘅附加價值,首先要問自己總共有邊幾間銀行嘅銀行戶口,再去研究嗰間銀行戶口有啲乜嘢附加價值。而我啱啱用咗星展係登記攞政府一萬蚊。原因放咗喺最底。

如果係上年或以前申請星展戶口嘅,就需要先登記咗個星展電子印花計劃,先繼續做任務換印花。星展電子印花計劃推廣(獎賞階段II)網上登記  推廣期: 2020年1月1日起至2020年9月30日

  • 獎賞階段I. 2020年1月1日至2020年3月31日
  • 獎賞階段II. 2020年4月1日至2020年6月30日 (最高九個印花,可換港幣$150)
  • 獎賞階段III : 2020 年7月1日至2020年9月30日 (最高九個印花,可換港幣$150)

如果係今年申請星展戶口嘅,就自動申請咗以上嘅電子印花計劃㗎啦。首先可以去返短訊,搜尋「印花」去搵返你嘅印花參考編號。再去電子印花齊齊享,一開呢個網頁嘅頭頂就可以輸入你嘅印花參考編號,不過呢,佢嘅紀錄只不過係記錄你兩個星期前嘅印花記錄,所以用你嘅記性,響6月30號之前(獎賞階段II),一日做晒最多九個任務。所以,只要chok到九個印花出嚟就已經可以換港幣$150。

咁我跟住就介紹吓我哋點做。

繼續閱讀…

[信用卡] 信貸評級篇 – 如何調整信用額(+/-)

今日要講嘅係信用卡(credit card)嘅信用額(credit limit)。顧名思義,用得信用卡你首先要需要有信用。你一出嚟做嘢,斷估佢唔會批俾你一張成HK$100,000信用額嘅信用卡啦,比你都唔會即刻一個月內還得到啦。信用額呢,一般來講會係你嘅月收入嘅幾倍。
信用有乜用呢?除住你嘅歲數一路增長,有可能你需要供樓,除非你有父幹,一筆清full pay樓價,否則你都係要玩按揭呢一個遊戲。所以養好你嘅信貸評級係一樣必要嘅行為。信用係點嚟㗎?要養好你嘅信貸評級需要嘅係,每個月準時還信用卡卡數,然後用時間慢慢儲返黎。
但係,間間銀行申請信用卡時,都會叫你又申請多張銀聯雙幣咩咩信用卡。閒閒地加埋成十幾廿萬信用額揹向身,原來真係會燒焦架。咁我可以點搞先?一,先要整理下你名下持有既信用卡,唔用既可以cut左佢,等過完冷河再食近新;二,再黎就要學識點樣增加/減少每張卡既信用額。

繼續閱讀…

[股票射倉] 渣打中銀股票射倉流程

Securities settlement instruction (SI)

上回提要,要玩股票轉倉([證券戶口] 銀行戶口實太多,證券戶口整合無難度)。幾經辛苦,終於開到對家既securities account啦,香港地做野咁慢點得架。雖然星期五我想放晒啲股票,但由於買賣需要攞pre approval,所以完全放唔到,咁冇辦法唯有照做射倉。今日schedule係去中銀同渣打,搞掂射倉手續。

首先落中銀分行,唔駛排counter,要拎飛,等勁耐,所以拎完飛就走去渣打整左先。

事前準備,需帶同對家證券行之資料:
經紀名稱;經紀代號;聯絡人姓名;電話;交收日期。

繼續閱讀…

[中銀] 中銀 Good Day 白金信用卡 – 開黎做月供股票、BoC pay、cut卡需知

中銀Good Day信用卡,係一張求其申請嘅信用卡,當初要來響中銀月供股票用,月供股票計劃。咁如果冇特殊要求,中銀月供股票的確係一個好好嘅選擇,又多股票選擇,無論一個月要供幾多隻股票,手續費都只係每月$50,食餐飯都冇咗啦。
手續費為供款金額的0.25%,即每月最低收費只需港幣 /人民幣50元(已包括佣金、印花稅、交易徵費及交易處理費)
我既立場係可以用到信用卡嘅地方,就唔好用現金。而就咁響銀行過數買月供股票,就浪費左啦,所以就需要求其申請一張中銀嘅信用卡黎,用信用卡過數去買股票,從而儲埋個筆積分。
假設一個月月供$2,000股票,$5等於1分,400分(250分換$1)即係回贈左$1.6。
又假設一個月月供$3000股票,600分,咁即係回贈左$2.4。唔算多不過俾錢買股票得來有回贈又係算唔錯嘅。

[星展開戶]港幣一百萬就咁放到八月就有HK$5,800!

今日去星展開個雞雞戶口做罐仔(罐仔係咩黎)。喔,可惜我資金唔夠,食唔到下面介紹既回贈。如果有人有港幣1,000,000(一百萬),我就可以介紹你響星展開個儲蓄戶口,咁我就賺推介人費用$1,000(利申)。

期間限定: 202051日至531日 (更新:延長咗啦,佢一路都仲做緊)

前提:如果你過去一年內無星展既户口,然後又有港幣100萬,又唔甘心放向度無息收,又唔想做定期⋯

2021年3月更新:

講返上年五月開嘅星展戶口:響2020年10月20號,就收到左港幣$500新客戶現金獎賞、港幣$4500 特別資金獎賞、港幣$1000交易獎賞。

再響2021年1月19號,收埋港幣$800開戶額外獎賞。總共收咗$6800 🙂然後又可以睇吓邊間銀行開戶有新優惠啦,耶。

繼續閱讀…

[證券戶口] 銀行戶口實太多,證券戶口整合無難度

別人會把料理架整理得井井有條,然後出文章分享井然有序的圖片。而我作為一個有數據潔癖的小師奶,當然要出文章分享如何整合證券戶口。在虛擬世界中銀行戶口內的證券交易當然要清楚分明,要知道,我可是有無數的財務類excel表格呢(驕傲),要整合證券戶口,有甚麼難度呢?

一個機緣巧合的情況下,我需要將自己名下的所有股票整合轉走或者統一成一個戶口處理。這個時候就糟糕了。因為一向以來開銀行戶口的時候總會不為意地開了證券戶口,又或是為了滿足某些開戶計劃的優惠所以開啟了證券戶口,東一個西一個的。痛定思痛後,終於下定決心逐一查詢每間銀行(1)有否證券戶口(2)證券戶口內有否碎碎的股票。幸好,這個世界發明了e-banking…

某些銀行開戶計劃的優惠也是一個值得深究的話題呢…如果一個月花數分鐘就可以零成本去達至每月加薪,萬惡的金錢,請擲向我吧!請完成最基本的每月任務!

錢,如果一定要用,那就要爭取最多的回贈!配合精選之信用卡,實行可以儲分、獲利最大化!向白金出發第一步之 Amex 入門卡 – 美國運通國泰航空尊尚信用卡 Amex CX Elite card

繼續閱讀…

向白金出發第一步之 Amex 入門卡 – 美國運通國泰航空尊尚信用卡 Amex CX Elite card

American Express (Amex) Cathy Pacific (CX) Elite card

對於這張Amex CX Elite card,其他里數界的翹楚已經寫下無數教學文章。由於這是一張Amex入門卡,我希望能夠寫出一篇由淺入深的介紹文。我會將最有可能享用到的優惠寫出來,並配合自己曾經使用過的技巧,其他旁枝優惠就留待Amex自己介紹吧。

我對這張CX Elite信用卡有一定的情意結。憑我微薄的收入及乾涸的積蓄,以前豪遊甚麼的都是靠想像?就是由這張信用卡開始,我才有機會其後申請到Amex Platinum Credit Card(大頭) 及Amex Platinum Card(細頭),才有機會步入及學習一個全新的世界。在剛剛的澳洲旅程中,我們有幸受惠於上述信用卡的優待,小寶跟我感嘆得最多的就是「果然貧窮真的限制了我們的想像」呢。

Amex Platinum Credit CardAmex Platinum Credit Card (大頭)

Amex Platinum CardAmex Platinum Card (細頭)

繼續閱讀…