之前有講過,曾經教人點樣用」octopus」 app去轉移唔常用嘅八達通入邊嘅餘額,然後bank in翻入戶口。教人嘅時候,都唔敢向巴士度講」O! ePay」嘅大名(實在太中二了,很害羞呢)。好彩有一日18/11/2020,臨瞓見到八達通公司嘅公告,話要改名做八達通銀包。真係笑死我咁咪幾好~夠straightforward、簡單易明
Category: 信用卡
[財務類] 每月恆常固定任務 – 如何找卡數
一出糧,又到一個月一度嘅財務大計(其實就係做打字員入數嘅時間)。首先就係(1)上各大銀行e-banking下載返該月嘅月結單,管理好唔同銀行嘅月結單同信用卡交易紀錄,(2)將每一條transaction,包括銀碼、交易日期、簡單description放入去一個整合左嘅Excel表,咁自不然所有支出使費一目了然!
DBS Black World Master Card – European Economic Area Transaction fee
今日玩每個月一次嘅找卡數遊戲([財務類] 每月恆常固定任務 – 如何找卡數),DBS今個月開始多咗一條咁嘅數「European Economic Area Transaction fee」。
打去DBS熱線(24小時熱線2290 8888 (2-6-8))問一問,發現原來係每個月iCloud嘅訂單出咗事。親愛的蘋果的註冊地屬於歐洲(?),所以10月開始要收0.9% EEA費用 。
HK$23 * 0.9% = HK$0.21⋯⋯好吧,除非你可以完全逃出iCloud嘅懷抱,如果唔係,每個月都係2毫幾子姐⋯⋯或者我哋要諗一諗,Visa可以避免到DCC,但又係咪可以避免到EEA呢⋯⋯(原來係唔得嘅)
以前就話有DCC(Dynamic Currency Conversion)。用信用卡網上購物嘅時候,要先問下谷歌大神究竟商戶嘅註冊地係邊個國家,如果唔係,某啲信用卡係會向客戶收取DCC費用。我記得當年用BEA Black World Master Card (HK$5=1 mile)喺Expedia碌卡,俾佢收咗我成HK$37.x,打去BEA熱線問問題,熱線姐姐仲話,「唔係我哋收你嘅,係Master Card公司收嘅」哦。
仲有一個小竅門,當年爬文爬到癲咗,具體個原因已經唔記得咗亦唔識解釋。當要喺外地碌信用卡嘅時候,一定要選擇以當地貨幣結算,千祈唔好俾佢轉成港幣結算,咁樣個匯率會係最靚仔、手續費亦都係最低嘅。
依家除咗DCC,仲要考慮埋間商戶係唔係EEA⋯⋯MASTER玩咩呢,係咪想趕客呢。定係個世界真係咁缺錢,大家都要巧立名目咁樣去搵錢?
財務類合集
理財類
銀行類
- 大新360出糧戶口 – 每月派最多$2,000活期利息 – 2020
- [星展開戶]港幣一百萬就咁放到八月就有HK$5,800!
- [中銀] 為郵寄銀行結單而保留的中國銀行戶口
- [離岸戶口] Barclays – 1. 起手篇 (成功)
- [理財類] 大新360出糧戶口 – 每月派最多$1,000活期利息 – 2021
- [恒生開戶] 港幣一百萬就咁放到七月就有HK$2,000!
- [理財類] 渣打紅利出糧戶口 – 九月前派$900 – 2021
信用卡類
- [財務類] 每月恆常固定任務 – 如何找卡數
- [信用卡] 信貸評級篇 – 如何調整信用額(+/-)
- [財務類] 信用卡大全 – 分工
- [財務類] 每月月頭任務 – 如何張八達通嘅錢轉返入銀行戶口
- Amex 信用卡 – Explorer / 細頭 / 大頭 – 2021年完美安排
- [中銀] 中銀 Good Day 白金信用卡 – 開黎做月供股票、BoC pay、cut卡需知
- [電訊商] 「自由鳥 x 恒生信用卡DORI上台優惠」
- DBS Black World Master Card – European Economic Area Transaction fee
- 東亞信用卡被盜用!可以點算?
證券類
[電訊商] 「自由鳥 x 恒生信用卡DORI上台優惠」
經歷過「[電訊商] 由數碼通到CSL,再成為自由鳥。」,放個人地,放過自己啦。
小寶早幾個月已經轉咗做自由鳥,所以我琴日啱啱開咗個自由鳥戶口,食埋推薦人優惠。一齊都揀咗「自由鳥 x 恒生信用卡DORI上台優惠」,只要用恒生信用卡每個月自動轉賬找數,就有額外現金回贈或者額外數據!所以話留返張恒生Enjoy信用卡真係好有用! 繼續閱讀…
那些年我食盡的細頭優惠 – 現金回贈 HK$2,000 (May) & HK$2,500 (Jan)
那些年我食盡的細頭優惠 – Shiseido免費試用裝
事緣9月2號我收到Amex嘅推廣電郵⋯⋯因為疫症關係,細頭同好多不同商戶合作然後提供左好多免費試用裝。都係果句啦洗頭要氹住你,等你唔好cut卡。
Amex Platinum Card 美國運通白金卡(細頭) – 那些年我食盡的優惠
Amex Platinum Card 美國運通白金卡(俗稱細頭卡)本身有好多唔同類型嘅優惠,但人無完人、優惠都唔係樣樣可以拎盡架嘛。以下主打提及既,就係我曾經享用過嘅優惠,亦係我私心大推既優惠,同時亦係最基本可以(維持到成本)用到既優惠。嘻嘻。
申請細頭其實唔難,唔好以為佢年薪門檻好高,只要你有一張入門Amex CX Elite Card,又肯交$7800年費,批卡就話都冇咁易。American Express Platinum Card – 推薦傳送門
6/9/2020: 更新 5) 會員優惠 及 6) Pay with Points
30/11/2020: 更新 3)送酒店會藉
[信用卡] 信貸評級篇 – 如何調整信用額(+/-)
[中銀] 中銀 Good Day 白金信用卡 – 開黎做月供股票、BoC pay、cut卡需知
向白金出發第一步之 Amex 入門卡 – 美國運通國泰航空尊尚信用卡 Amex CX Elite card
American Express (Amex) Cathy Pacific (CX) Elite card
對於這張Amex CX Elite card,其他里數界的翹楚已經寫下無數教學文章。由於這是一張Amex入門卡,我希望能夠寫出一篇由淺入深的介紹文。我會將最有可能享用到的優惠寫出來,並配合自己曾經使用過的技巧,其他旁枝優惠就留待Amex自己介紹吧。
我對這張CX Elite信用卡有一定的情意結。憑我微薄的收入及乾涸的積蓄,以前豪遊甚麼的都是靠想像?就是由這張信用卡開始,我才有機會其後申請到Amex Platinum Credit Card(大頭) 及Amex Platinum Card(細頭),才有機會步入及學習一個全新的世界。在剛剛的澳洲旅程中,我們有幸受惠於上述信用卡的優待,小寶跟我感嘆得最多的就是「果然貧窮真的限制了我們的想像」呢。
Amex Platinum Credit Card (大頭)