[花旗] Citibank Cash Back – 零成本玩Citibank Payall

為咗食$1800超市禮券嘅推廣,同埋睇吓抽唔抽得中部Dyson空氣清新機,所以響百忙之中,分別玩三個月payall,同埋六個月payall。

優惠期間:2021年5月1號至2021年8月31號

官方網頁傳送門

繼續閱讀 “[花旗] Citibank Cash Back – 零成本玩Citibank Payall”

孕期 – 入院前準備 (走佬袋、申請信用卡、買陪月勞工保險、家居維修)

去到三十幾週,個個人都會叫你執定走佬袋,非常淆底加緊張。所以除咗跟住中後期購物清單照單執藥,買晒基本要準備好嘅嘢,仲需要睇返自己去嘅醫院嘅準備清單,由於我仲未留床位,醫院仲未比準備清單我,好簡單姐,直接打去問咪得囉。

繼續閱讀 “孕期 – 入院前準備 (走佬袋、申請信用卡、買陪月勞工保險、家居維修)”

Amex 信用卡 – Explorer / 細頭 / 大頭 – 2021年完美安排

話咁快又過咗一年,我嘅American express 大頭、細頭遊戲,就係上年一月為咗歐洲度蜜月之旅臨急臨忙咁申請嘅。同一時間仲滾水淥腳、快馬加鞭咁申請晒各大酒店會籍,不停用電郵、電話同酒店交換訊息,諗返嗰陣時嘅工作效率真係好高。

好啦,計劃永遠趕不上變化,三月嘅歐遊計劃因為疫症關係完美取消咗。我仲好記得我哋嗰程Free one way嘅日本飛巴黎嘅商務客位,嗚嗚。就係因為2020年3月9號香港開始停飛日本,成個行程嘅第一站日本完美地拉倒左成個歐遊。都好在,我哋響二月用咗突如其來中獎嘅澳洲機票,都叫做有享用過Amex Centrion Lounge!2020年往後陸陸續續嘅staycation,都受惠於酒店會藉帶嚟唔同優惠!又收咗兩次現金回贈,一次$2000一次$2500!

中獎嘅澳洲機票:【202002 澳洲樹熊之旅】引子 – 如何善用Fine Hotel & Resorts用HK$25,000豪遊澳洲
食過Amex嘅優惠: Amex Platinum Card 美國運通白金卡(細頭) – 那些年我食盡的優惠

過咗一年啦,Amex細頭、大頭響一月嘅月結單分別出現咗$7800同$2200嘅年費收費。其實熱線哥哥都有話,正常來講擁有細頭嘅主卡人之大頭年費係會自動waive咗,我都直接回覆佢,係囉,可能我同電腦系統總係唔係好夾,為何總是我。好啦又係時間要諗一諗今年嘅大、細頭要點樣安排。 繼續閱讀…

Amex 美國運通 Explorer™ 信用卡

近日熱門話題Amex CX Elite card(向白金出發第一步之 Amex 入門卡 – 美國運通國泰航空尊尚信用卡 Amex CX Elite card),終於功成身退,將會由Explorer card 於2021年5月完全取代。各大平台經已搶先搶閘介紹呢一張新探險者卡,仲用晒懲罰嘅方式去恐嚇你如果五月之前唔申請一張新嘅卡,到五月嗰時,舊嘅Amex CX Elite將會被探索者卡取代,到時仲會冇迎新優惠,你仲唔快啲申請?咩鬼都講晒,我仲有咩好講呢? 繼續閱讀…

東亞信用卡被盜用!可以點算?

事情發生響2019年5月,當其時啱啱裸辭,所以日日喺屋企好得閒,再唔係就出去行吓街試婚紗,其實都幾忙。果然世事嘅嘢就係響你最得意快活嘅時候,就會有啲預期之外嘅事發生,我嘅人生果然一啲都唔會沉悶。

然後發現,東亞信用卡被盜用!

繼續閱讀…

[財務類] 每月月頭任務 – 如何張八達通嘅錢轉返入銀行戶口

之前有講過,曾經教人點樣用”octopus” app去轉移唔常用嘅八達通入邊嘅餘額,然後bank in翻入戶口。教人嘅時候,都唔敢向巴士度講”O! ePay”嘅大名(實在太中二了,很害羞呢)。好彩有一日18/11/2020,臨瞓見到八達通公司嘅公告,話要改名做八達通銀包。真係笑死我🤣咁咪幾好~夠straightforward、簡單易明😌

繼續閱讀…

[財務類] 每月恆常固定任務 – 如何找卡數

一出糧,又到一個月一度嘅財務大計(其實就係做打字員入數嘅時間)。首先就係(1)上各大銀行e-banking下載返該月嘅月結單,管理好唔同銀行嘅月結單同信用卡交易紀錄,(2)將每一條transaction,包括銀碼、交易日期、簡單description放入去一個整合左嘅Excel表,咁自不然所有支出使費一目了然!

繼續閱讀…

DBS Black World Master Card – European Economic Area Transaction fee

今日玩每個月一次嘅找卡數遊戲([財務類] 每月恆常固定任務 – 如何找卡數),DBS今個月開始多咗一條咁嘅數「European Economic Area Transaction fee」。

打去DBS熱線(24小時熱線2290 8888 (2-6-8))問一問,發現原來係每個月iCloud嘅訂單出咗事。親愛的蘋果的註冊地屬於歐洲(?),所以10月開始要收0.9% EEA費用 。

HK$23 * 0.9% = HK$0.21⋯⋯好吧,除非你可以完全逃出iCloud嘅懷抱,如果唔係,每個月都係2毫幾子姐⋯⋯或者我哋要諗一諗,Visa可以避免到DCC,但又係咪可以避免到EEA呢⋯⋯(原來係唔得嘅)

以前就話有DCC(Dynamic Currency Conversion)。用信用卡網上購物嘅時候,要先問下谷歌大神究竟商戶嘅註冊地係邊個國家,如果唔係,某啲信用卡係會向客戶收取DCC費用。我記得當年用BEA Black World Master Card (HK$5=1 mile)喺Expedia碌卡,俾佢收咗我成HK$37.x,打去BEA熱線問問題,熱線姐姐仲話,「唔係我哋收你嘅,係Master Card公司收嘅」哦。

仲有一個小竅門,當年爬文爬到癲咗,具體個原因已經唔記得咗亦唔識解釋。當要喺外地碌信用卡嘅時候,一定要選擇以當地貨幣結算,千祈唔好俾佢轉成港幣結算,咁樣個匯率會係最靚仔、手續費亦都係最低嘅。

依家除咗DCC,仲要考慮埋間商戶係唔係EEA⋯⋯MASTER玩咩呢,係咪想趕客呢。定係個世界真係咁缺錢,大家都要巧立名目咁樣去搵錢?

 


財務類合集

理財類

  1. 老生常談之開源篇 – 出糧戶口篇
  2. 老生常談之節流篇 – 招財表(錢錢Excel表)

銀行類

  1. 大新360出糧戶口 – 每月派最多$2,000活期利息 – 2020
  2. [星展開戶]港幣一百萬就咁放到八月就有HK$5,800!
  3. [中銀] 為郵寄銀行結單而保留的中國銀行戶口
  4. [離岸戶口] Barclays – 1. 起手篇 (成功)
  5. [理財類] 大新360出糧戶口 – 每月派最多$1,000活期利息 – 2021
  6. [恒生開戶] 港幣一百萬就咁放到七月就有HK$2,000!
  7. [理財類] 渣打紅利出糧戶口 – 九月前派$900 – 2021

信用卡類

  1. [財務類] 每月恆常固定任務 – 如何找卡數
  2. [信用卡] 信貸評級篇 – 如何調整信用額(+/-)
  3. [財務類] 信用卡大全 – 分工
  4. [財務類] 每月月頭任務 – 如何張八達通嘅錢轉返入銀行戶口
  5. Amex 信用卡 – Explorer / 細頭 / 大頭 – 2021年完美安排
    1. 向白金出發第一步之 Amex 入門卡 – 美國運通國泰航空尊尚信用卡 Amex CX Elite card
    2. Amex Platinum Card 美國運通白金卡(細頭) – 那些年我食盡的優惠
      1. 那些年我食盡的細頭優惠 – Shiseido免費試用裝
      2. 那些年我食盡的細頭優惠 – 現金回贈 HK$2,000 (May) & HK$2,500 (Jan)
    3. Amex 美國運通 Explorer™ 信用卡
  6. [中銀] 中銀 Good Day 白金信用卡 – 開黎做月供股票、BoC pay、cut卡需知
  7. [電訊商] 「自由鳥 x 恒生信用卡DORI上台優惠」
  8. DBS Black World Master Card – European Economic Area Transaction fee
  9. 東亞信用卡被盜用!可以點算?

證券類

  1. [證券戶口] 銀行戶口實太多,證券戶口整合無難度
  2. [股票射倉] 渣打中銀股票射倉流程

[電訊商] 「自由鳥 x 恒生信用卡DORI上台優惠」

經歷過「[電訊商] 由數碼通到CSL,再成為自由鳥。」,放個人地,放過自己啦。

小寶早幾個月已經轉咗做自由鳥,所以我琴日啱啱開咗個自由鳥戶口,食埋推薦人優惠。一齊都揀咗「自由鳥 x 恒生信用卡DORI上台優惠」,只要用恒生信用卡每個月自動轉賬找數,就有額外現金回贈或者額外數據!所以話留返張恒生Enjoy信用卡真係好有用! 繼續閱讀…