眠乾睡濕，要用食物餵飽QQ， 幫佢把屎把尿，簡直冇心機做其他嘢。
唯一嘅樂趣就係見住佢嘅成長。
Category: 育兒區
育兒 – 加固之路
早前睇到個新聞，有啲BB四個月開始就被媽媽加固，點知一路肚痛扭計，然後睇醫生發現肚仔裏面有好多未消化嘅食物，所以都唔敢太早加固。又有一種講法如果太早加固，大個後容易胃下垂。嚇死。
但係4個月尾嘅時候，QQ開始對我哋食嘅蘋果有興趣，所以我都有俾佢舔下蘋果，唔知咁岩得咁橋定係點解，舔下嗰晚會特別扭計⋯⋯所以跟消委會買咗嬰兒米糊，揀咗喜寶(好似係最安全嘅)，聊勝於無。選擇Hipp嬰兒米糊嘅原因
非官方非正式之塞奶原因
要想知道塞奶嘅原因，自己去睇健康院小冊子啦。
延伸閱讀：
育兒 – 塞奶篇(D118 D237)+解決塞奶方法
育兒 – 追奶（又名塞奶）之路
以下係我亂咁嚟寫低嘅塞奶方法，包你成功塞奶，一試就塞，塞左。非官方/非正式嘅可能塞奶原因： 繼續閱讀 「非官方非正式之塞奶原因」
育兒 – 追奶（又名塞奶）之路
既然揀得餵母乳，而我又唔係冇奶，只係少咋嘛，人奶條路難行啲啫，用意志力夾硬行去。我並唔係富媽媽，由佢出世開始，我就主打全力追奶。為左要追奶，有媽媽谷叫，每日飲4L水。大佬呀，我照腸鏡都飲唔到4L水。
後來都聽到有個講法，其實坐月嘅時候唔可以太貪心，又要補身、又要坐月、又要追奶。到頭來，會咩都做唔好。最好淨係揀一樣嘢專心認真去做，力量來自專心致志。但我好明白，嗰一個月係情緒最敏感嘅時候，咩人講嘅嘢都會聽唔入耳，「小朋友才選擇，而我咩都想要」。但都係果句，過咗就會好。
信我，響醫院嘅時候我1ml都吱唔到出嚟。我去到第二三個月，上晒奶，每次兩邊加埋都仲係得70-90ml。直到2個月後突然一次塞奶之後，就變成100-120ml。4個月，正常嘅每次150-180ml（除左又塞奶果時會係70-250ml）。第五個月平均都可以去到150ml，有一次仲單邊150ml，兩邊300ml。只要有恆心，謀事在人、成事在天架姐。
最後更新，餵到17個月仲有臨訓埋身，但開始feel到無乜奶，可能因為第二胎，收收地奶。最後一晚係18m，完場。
延伸閱讀：
嬰兒攝影 – ABC studio (AB 3mth, 9mth)
因為上次響Venture Studio有唔愉快嘅BB攝影經驗，但係又想響QQ三個月嘅時候影多輯相，所以就周圍喺媽媽谷裏面問有冇啲嬰兒攝影係冇閃光燈嘅。點知聽返黎先知，原來嬰兒攝影係唔會用閃光燈⋯⋯擔佢。
然後就揀咗間平靚正嘅葵涌ABC Studio，當其時團購優惠價係$399，假日加$100。 都只係$499就已經可以攞到超過100張相，果然我哋要有嘅嘢好簡單，唔需要貴嘅。
產後 – 4-5個月購物清單
過咗最難捱嘅三個月，進入穩定期嘅第四至五個月，餵奶、換片、照顧嬰兒，已經開始上手，跟住就要行加固嘅路啦。
防疫 / 媽媽要用舒適達 / 束腰褲 / 牙膠同大量口水肩 /嬰兒米糊 / 嬰兒餐盤 / 牙仔餅 / 飯碗 / 水杯 / 食物剪刀 / 食物格 / 沖涼盤
嬰兒攝影 – venture studio (AB 3mth)
上年海港城生意唔好嘅時候送咗勁多coupon，當中有一張venture studio ，可以免費攞一張相嘅coupon。
荃灣港安亦都送咗一張SENS嘅攝影coupon，有一張8R相架同10張數碼相，我諗住QQ咁細個嘅時候，坐又坐唔好，都唔會影到啲乜嘢靚相，所以諗住佢大個啲先至去影呢一份。 繼續閱讀 「嬰兒攝影 – venture studio (AB 3mth)」
育兒 – 尿片篇
BB就係一隻食飽就瞓，瞓醒就屙嘅生物。除咗要好好餵飽佢，就係要幫佢把屎把尿。 應該揀邊隻尿片呢？ 其實隻隻BB pat pat嘅size同大髀size都唔一樣，所以呢個時候就係睇現試用裝嘅重要性。
孕期 – 順產 or 開刀
前提梗係BB健康、頭仔轉咗向下、足月啦，先有得你揀。連我自己三十幾週嘅時候都仲係胎位不正，邊有話得埋㗎。
如果去到孕後期，BB個頭仔都冇轉落去，或者BB頭圍過大、size過大，咁都係開刀算吧啦。醫生都唔會俾你做其他選擇。 繼續閱讀 「孕期 – 順產 or 開刀」
育兒 – 返工泵奶篇
好彩臨生之前年幾，轉左大公司，有一個好好嘅哺乳室，入邊有洗手盆、熱水機、雪櫃、沙發。所以要準備嘅嘢比其他媽媽少。