預產期前嘅功課 – 申請信用卡 (更新至1/2023)

繼第一胎做過功課「孕期 – 入院前準備 (走佬袋、申請信用卡、買陪月勞工保險、家居維修)」,第二胎梗係又要留意下點玩呢個遊戲。

上回提要:
1.渣打smart card用左黎買bb野 – $4000回$1000 (25%現金回贈)
2.信銀國際Motion信用卡 – Moneyhero送$500;簽$8000回$800;total迎新食$1300
3.安信EarnMORE銀聯卡 – Moneyhero $300現金回贈+$250 Apple禮品卡;首90日簽滿HK$8,500回$500(再加基本簽賬回贈2%,$170);期後本地港幣簽賬統一現金回贈2% (首HK$200,000簽賬);然後再用呢張卡錄埋尾數(絕對係$20萬以內),迎新食$970現金,尾數就2%(e.g. (~70000-8000)*2%=$1240 or more); 最後荃灣港安四日三夜$65,000埋單。即(65000-8000)*2%=$1140
4.最後起碼食左$1000+$1300+$970+$1140=$4410。(其實仲用左另外嘅卡黎拆單,不過果啲係限時優惠,總之高過2%就要棄EarnMore)

亦考慮過:
1.DBS black card (現有) – DBS dollars簽帳回贈得0.8%
2.Citibank cash back (現有) – 現金回贈1%
3.渣打simply cash – 任何簽帳冇上限1.5%回贈 (當時過唔切冷河,食唔到迎新)

第二胎

第二胎預產期6月,由於多數近新優惠都要1-3個月內累積簽賬金額,所以4月頭開始要申請定信用卡,要分開啲申請,驚一次申請太多張卡會影響信貸評級。所以我淨係敢一個月申請一張卡,下個月申請多一張。如果保守啲嘅家長,就老公一張新卡,老婆一張新卡就算。

繼續閱讀 「預產期前嘅功課 – 申請信用卡 (更新至1/2023)」

二胎大事記 (2022) – 包括孕吐、T21、尿滲

有第一次生育QQ經驗之後,對將要面對嘅身心變化有左預算,計劃好嘅中獎後可以好冷靜咁copy spreadsheet,開project july。開返App – 280days register新project,記錄底第一個月身體嘅急速變化,準備定App – PiyoLog 等待BB出世。

同第一胎唔同,因為有一隻QQ仔向度,基本上已經唔記得咩係安胎,咩係靜養。我仲用狽帶hip seat頂住project june帶QQ去雀仔街,又抱住QQ陀住project june去行山。然後去到QQ 16m+,提早trouble two,成日「媽媽抱,媽媽抱」,然後仲識雙腳夾住我個胸坐向個肚上面。

唔知係QQ嘅淫威下,定我坐好月,定我副計run順左生仔呢個遊戲。雖然都有流啡/直接流血,但未夠3個月就停左。so far幾順順利利,淨係喘氣(產檢時訓向度,突然開始喘,先留意副原來project june一郁,我就喘到隻牛咁),其餘時間都唔似有左。邊有陀QQ果時咁恐怖,「懷孕產檢時間表 – 早期懷孕檢查(6-17wk: 包括T21、鴨咀、B鏈)」。

繼續閱讀 「二胎大事記 (2022) – 包括孕吐、T21、尿滲」

二胎計劃 – 做功課 (2022) (包括: 排卵日、X同Y嘅特性、試紙比較及分析)

由於個人願望要生兩個,所以一生左QQ後就開始計劃緊。因為三年一個generation gap,所以我嘅願景係最好就QQ一歲開始做功課,QQ兩歲左右就有弟弟妹妹出世,perfect池。生完兩個就岩岩好,仔又好,女又好,收肚,收工。

繼續閱讀 「二胎計劃 – 做功課 (2022) (包括: 排卵日、X同Y嘅特性、試紙比較及分析)」

育兒 – 人奶 vs 奶粉

To 餵人奶or not to 餵,this is the question.

揀埋身親餵嘅,但又想了解餵母乳嘅慘況,呢邊:育兒 – 哺乳埋身篇

揀餵母乳又唔想埋身嘅,唔想承受隻鱷魚/恐龍嘅撕咬,呢邊:育兒 – 哺乳泵奶篇

揀奶粉嘅,相信小朋友有陽光、空氣、水份就會長大嘅,呢邊:孕期 – 奶粉選擇

繼續閱讀 「育兒 – 人奶 vs 奶粉」

孕期 – 奶粉選擇

點解奶粉嘅選擇係屬於孕期,而唔係育兒嘅階段呢?主要係因為如果你入到醫院之後,BB一出世,如果你唔夠奶,醫院就會問你想飲邊隻牌子嘅水奶。如果到時生完(touch wood)真係無奶,突然要揀奶都幾頭痕。

至於奶粉定人奶嘅選擇,真係好個人。千祈千祈唔好受到其他人嘅影響,我自己係行人奶之路,但係中間經歷過痛苦,真係要好有堅持先至捱得過。如果本身個人意志力薄弱,咁就算啦,無謂傷害自己。Happy mum Happy family。傳送去:「育兒 – 人奶 vs 奶粉

繼續閱讀 「孕期 – 奶粉選擇」

孕期 – 改名 (陳正匡師傅)

幾時改名?改咗名未?亦係孕期Q&A常見嘅問題之一,由於我同小寶都係疑似文盲懶,所以有咗時辰八字之後直接外判出去搵人改,到時如果收返返嚟啲名唔啱嘅,咪再搵第二個改囉。錢解決到嘅問題就唔係問題,最大問題係冇錢姐。

繼續閱讀 「孕期 – 改名 (陳正匡師傅)」

孕期 – 英語學習之比較(Disney/Oxford/D Mind)

人人都話要贏在起跑線,依家有邊個小朋友唔使由細開始谷英文。本着有贈品無奶油唔去嘅心態,我都上咗幾堂推銷嘅課程。

利益申報,到最後都係嫌太貴,三間都冇買XD

繼續閱讀 「孕期 – 英語學習之比較(Disney/Oxford/D Mind)」

孕期 – 入院前準備 (走佬袋、申請信用卡、買陪月勞工保險、家居維修)

去到三十幾週,個個人都會叫你執定走佬袋,非常淆底加緊張。所以除咗跟住中後期購物清單照單執藥,買晒基本要準備好嘅嘢,仲需要睇返自己去嘅醫院嘅準備清單,由於我仲未留床位,醫院仲未比準備清單我,好簡單姐,直接打去問咪得囉。

走佬袋 / 臍帶血 / 申請信用卡 / 買陪月勞工保險 / 家居維修

繼續閱讀 「孕期 – 入院前準備 (走佬袋、申請信用卡、買陪月勞工保險、家居維修)」