香蕉煎餅(第二彈) @sakitchen

因為唔想QQ食黎食去都係果幾樣野食,所以搞下新意思。點知佢即刻敏感XD,果然7個月太早嘗試蛋白啦。可能過多幾個月再試啦,希望佢11個月就已經食到蛋白,因為1歲支針有蛋白。

繼續閱讀 「香蕉煎餅(第二彈) @sakitchen」

加固篇 – Philips Avent 4合1蒸煮攪拌器

繼Bruno 豆漿機要退位,又覺得糊仔階段唔會last太耐,所以喺旋轉拍賣搵有冇二手嘅嬰兒蒸煮攪拌機。唔選擇Baby cook,因為佢要加水落去部機度,再經管道排出,我最驚就係啲好難洗嘅嘢。屋企人想要一部機可以煲埋粥仔,so far 只有Kiwy,宣傳圖好似淘寶貨,所以比小寶ban咗。

然後就心儀Avent,覺得佢可以同一個食物水壺入面蒸,倒轉就可以攪拌,最緊要係唔使洗太多野。雖然佢入水位都只係部份可見,但起碼我可以每次用完都倒乾淨,費事有水垢。 繼續閱讀 「加固篇 – Philips Avent 4合1蒸煮攪拌器」

加固篇 – Bruno 豆漿機

擺到明呢條友仔生平就係唔入廚房嘅,為咗QQ,要研究吓煮食點樣玩。我諗應該同做lab差唔多嘅啫,應該唔難。

之前用asia mile換左個,響懷孕嘅時候每朝都有新鮮打嘅豆漿飲。然後生咗之後就雪藏左部機幾個月。仲喺度煩惱緊買邊隻嬰兒副食品機,忽晒奇想,不如拎返呢一部機出嚟打糊仔。

繼續閱讀 「加固篇 – Bruno 豆漿機」

育兒 – 加固之路

早前睇到個新聞,有啲BB四個月開始就被媽媽加固,點知一路肚痛扭計,然後睇醫生發現肚仔裏面有好多未消化嘅食物,所以都唔敢太早加固。又有一種講法如果太早加固,大個後容易胃下垂。嚇死。

但係4個月尾嘅時候,QQ開始對我哋食嘅蘋果有興趣,所以我都有俾佢舔下蘋果,唔知咁岩得咁橋定係點解,舔下嗰晚會特別扭計⋯⋯所以跟消委會買咗嬰兒米糊,揀咗喜寶(好似係最安全嘅),聊勝於無。選擇Hipp嬰兒米糊嘅原因

繼續閱讀 「育兒 – 加固之路」

北海道石狩川大閘蟹 @sakitchen

今年有幸響友人屋企食過北海道石狩川大閘蟹,原來又唔貴又多膏!仲要好易整!

多謝寶達,先至可以足不出戶可以買到北海道嘅大閘蟹,仲要港九新界都有唔同門市可以響現場睇貨,由佢嘅官網仲可以知道大閘蟹嘅小知識。

繼續閱讀…

分子料理之火山爆蛋 @sakitchen

有一日臀部痕癢、心血來潮想食蛋。浪費食材系列。

屋企剩低嘅一片方包,響雪櫃拎咗四隻蛋,將蛋白蛋黃分離,可惜屋企搵唔到保特瓶吸蛋黃。

然後搵咗部打蛋機出嚟,將蛋白打到企身起勾。焗爐盤放牛油紙或者錫紙,查少量牛油,再將蛋白雲用匙羹放好形狀,中間位置要整個凹位放蛋黃,凹位邊緣要夠企身先至hold得住個蛋黃,凹位太深就會穿底,變火山爆蛋。唔使放蛋黃住,因為蛋白未夠實淨。 繼續閱讀…

鰹魚汁流心蛋 @sakitchen

初試鰹魚汁流心蛋,無過冷河好難剝殼。#像極了愛情

唔好煮熟隻雞蛋,浸落鰹魚汁,完。#一行食譜流

事緣有一日小寶好想食流心蛋,我谷歌一下,其實都唔係好難啫,預先準備一支日式鰹魚汁就成事。小寶買咗支濃縮版鰹魚汁返屋企,再拎屋企現成嘅日本雞蛋。

繼續閱讀…