點揀學校?

育兒 – 報學校懶人包,又到2023/24 PN班報名情況 (1Y+),然後到2024/25 K班報名情況 (2Y+),都想講下點解我會咁揀幼稚園/小學/中學。

戴頭盔,幼稚園同小學相差都幾年,每幾個月知多左野,學多左學校知識,選擇都會唔同,最緊要係當下做到一個係為小朋友最好嘅決定,就唔需要後悔。

不過講真,到中學,就睇小朋友嘅成績同取態,唔再係家長100%可以左右啦。

一般正常家長揀學校嘅客觀條件(向九真家長群組抄出):

  • 1. 校舍位置
  • 2. ⁠校舍交通,eg車費/車程
  • 3. ⁠NET 數目
  • 4. ⁠班主任數目
  • 5. ⁠英語時間
  • 6. ⁠普通話時間
  • 7. ⁠課外活動
  • 8. ⁠學費
  • 9. ⁠戶外操場
  • 10. ⁠功課數量
  • 11. ⁠小學/中學branding
  • 12. ⁠alumni 出路
  • 13. ⁠宗教
  • 14. ⁠可否幫忙細佬妹入學
  • 15. ⁠學校理念
  • 16. ⁠學校歷史
  • 17. ⁠男女校/女校
  • 18. ⁠升中校網
  • 19. ⁠教學方法與小朋友性格嘅配合
  • 20. ⁠外闖容易程度
  • 21. ⁠全日/半日(AM/PM)
  • 22. ⁠可否大抽獎

我嘅話,我無一開始列出咁多要求。相信每個家長一開始都只係需要小朋友讀得開開心心,但當愈做功課就會愈多(對學校)要求,但放心學校同時都會對小朋友有要求(面試)。其實重點係「有Offer先至可以做選擇」,就係一個學校簡人,人揀學校嘅一個過程。

如果真係要揀,主要係分區,接送返學可行前提下,就揀學校報名interview,有offer之後先再細分點樣揀。

Target直資私立/公立津貼

  • 應該話睇吓你係Target直資私立,定係公立津貼學校,首先係睇錢份上,負擔到就多啲選擇
  • 啱先報k嘅時候,我係報四間龍,所以我好難唔中龍
  • 但如果我唔想要語境嘅話,我會覺得學之園或者st cat真係一個比較好嘅選擇
  • 人地話st cat都有語境,但係我覺得主要都係入邊啲家長都會自谷

Happy vs

  • 有一個講法
  • 其實happy School都要諗
  • 就係你想佢幼稚園happy,咁小學呢?
  • 如果小學唔係happy School
  • 佢幼稚園happy左三年
  • 佢就會根基打得唔好
  • 到時小學就會追得有啲吃力
  • 如果小學都係happy School
  • 繼續happy多6年,咁中學呢?
  • 如果中學都happy埋
  • 就唔駛煩大學啦
  • 因為入到嘅機會唔高
  • 咁當然會有啲好標青嘅特殊例子
  • 但係比例唔高

龍校定非龍

  • 一心向神校追嘅父母不適用
  • 我怕公海,係因為聽太多升小嘅媽媽發自內心嘅警告
  • 可能睇埋下面考小過程,應該就會明
  • 龍其中一個好處
  • 因為學術唔需要太深(岩我,懶媽,唔想小朋友成日追追趕趕,要提早一年學,因為谷嘅學校教快一年),因為有大部份同學都會直升上去,佢有10幾年嘅時間慢慢栽培你
  • 其他學校(如LH)因為要裝備你出去公海考試,所以學所有嘢都好趕時間,要追響K2面試前,要教識晒你
  • 九龍真光,因為本身九龍真光小學中文都好勁,所以佢幼稚園都已經好谷
  • 其實龍校嘅壓力都唔弱
  • 你睇吓培正如果佢happy嘅時候家長都跟埋一齊happy
  • 分分鐘去到小學二年級就俾人勸退
  • 因為程度突然深咗好多學術要求亦高咗
  • 如果小朋友根基打得唔好就玩完
  • 而最恐怖嘅係如果龍校俾人勸退
  • 佢嘅程度未必銜接到出邊嘅學校
  • 所以無論咩學校都要按需要地自我補習
  • 除非真係對佢嘅學習成績完全冇要求
  • 民生都出名勸退
  • 我都有啲驚
  • 雖然好多再讀家長話情況唔多,每班只有幾個
  • 總之就千祈唔好做每班考第尾嗰幾個
  • 但係比起出邊私立直資嘅話
  • 龍校嘅學習壓力相對已經係細啲
  • 因為唔使追進度
  • 有個講法係
  • 一條龍學校嘅話
  • 你嘅競爭對手會係你嘅校內同學
  • 私立幼稚園
  • 你嘅競爭對手會係全香港嘅適齡小朋友
  • 總之響龍校你保持到係中上嘅水平,你就可以好穩陣的直升
  • 總之結論我好無大志,淨係希望佢向龍校keep到中遊
  • 神校唔係我地杯茶
  • 就算龍校都讀唔掂踢出黎,都有個校網搭救

考龍幼的話 讀唔讀n有無關係?

  • 總會有無讀N嘅小朋友入到,但數量應該唔多。因為龍幼都大競爭,都可能會揀出色嘅小朋友比offer(合理嘅)。但如果家長自己教都有讀n嘅效果,小朋友又唔驚見陌生人,咪無問題囉。
  • 亦都有啲人問N係唔係一定要讀,如果你心儀名幼嘅話,咁最好建議你有N就報N,因為intake最多

Ninterview

2023/24 PN班報名情況 (1Y+)

  • 考N主要都係拍片
  • 或者面試睇家長嘅應對
  • 面試同出成績2-3個月
  • 當時無乜壓力

幼稚園名氣

  • 揀幼,都有考小嘅考量。有聽過有啲case遲到名小interview門口姐姐問係讀緊咩幼稚園,答根德園,然後比佢入埋去interview
  • 如果報N/K嘅時候,如果有讀佢有聯繫嘅playgroup,咁梗係要寫
  • 舉例報st cat就梗係寫有讀緊pebbles
  • 有一個說法係,報LH時先寫讀緊little hab;報st cat嘅時候你唔會同佢講,讀緊little hab (LH) ,因為覺得你唔忠誠(但係你都可以解釋係因為交通啊、派唔派到心儀嘅時間啊,照顧者方便啊,等等)
  • 亦有一個講法係(我都係用呢個),報邊間名幼,都寫我自己讀緊Vpp,(展現我願意俾錢栽培小朋友嘅能力),同埋小朋友唔係只係響屋企或者公園,係享受緊有結構性嘅pre幼兒園生活
  • 我覺得點都會有啲幫助

考幼考小可以跨區?

  • 直資私立,全部都可以跨區,只係學校鍾唔鍾意受跨區學生
  • 舉例子,民幼今年好似淨係收咗單位數嘅元朗學生 out of 3xx

國際學校開心啲?

  • 首先係咪N無
  • foreign passport / sibling / denbenture已經有priority
  • 想有得揀都要有offer先有得揀
  • 就算係國際學校谷我都有入,一樣大壓力
  • 因為國際學校都有分兩派家長
  • 一派谷,一派真happy但有錢
  • 然後N無又好難入國際學校
  • 所以我地esf even though收曬intake, 我地都排9x先到我地
  • ESF谷嘅家長,聽到人哋嘅Offer,佢會問人哋有冇foreign passport,有冇比500,000 debenture
  • 我frd個仔讀緊esf,但係佢堅谷,k1已經認緊中文詞語,寫剔手邊
  • 所以唔會有真正happy School
  • 如果家長要自谷嘅
  • 咁間學校有幾happy
  • 都唔係happy School
  • 因為連ESF都係要用成績高低
  • 再去揀中小學嘅排位
  • 所以結論都係要外補

Kinterview

2024/25 K班報名情況 (2Y+)

  • 考K仍然都係拍片
  • 小朋友亦都開始識得講嘢對答
  • 同埋家長應對都仲係佔比重
  • 全部集中響11月interview
  • 12月放榜
  • N/K面試嘅壓力
  • 「小朋友係冇得控制」嘅壓力
  • 小朋友病咗,狀態唔好,又要面試嘅壓力
  • 谷內分享,面試完行出嚟,有人見到有個爸爸抱住個仔行,但個爸爸喊到豬頭笨咁,一邊話「對阿仔唔住」
  • 可能你會話,放鬆啲啦,都係考K啫
  • 但到親身面對時,真係完全控制唔到
  • 我一開始以為係女性荷爾蒙
  • 後黎見到愈黎愈多谷內爸爸發癲
  • 就知係無分男女
  • 聽到最誇張12月發左K榜,個媽媽向谷講收到心儀幼稚園嘅offer嘅,但
  • -我老公癲左,佢話「老婆,好興奮呀,仲有xxx日就要考小啦,我地要開始準備打仗!」
  • 太認真囉,得失心太重,但旁邊嘅氣氛氛圍就會自然令你好緊張

等放榜

  • 等待心儀學校放榜嗰段時間最掙扎
  • 因為等放榜唔係淨係情緒受到影響
  • 而係要準備求位信、推薦信etc兩手準備
  • 仲可以準備埋PMAM嘅信,如果有Offer,但係想要上午班,就交埋入去
  • 舉例子
  • LH放榜日有家長拎住6版紙求位信就企喺學校門口
  • 12:00上網check到放榜,結果係waiting
  • 就拎住求位信入去敲門
  • 好彩最後收到取錄通知
  • 我聽過最強勁係一日一封求位信親自比GH校長, 持續左半年,就成功左

求位信幾時交

  • 求位信幾時交都有幾套講法
  • 有啲就係一知道係waiting就即刻交
  • 有手寫或者親身加電郵交
  • 博佢睇中你嘅誠意,又或者排先到先得
  • 有啲話
  • 等佢第一次註冊日當日交
  • 因為實有人唔俾錢放位

放榜日

  • 培正放榜前一日,我地無緣,入唔到二面谷,但聽到啲家長話士氣大勇,大家一齊緊貼隊形,「培正開學日見」。
  • 民幼放榜嗰日,12點正上網睇result。個2次面試谷(第一團係報名谷,報名約2xxx人,然後就係過到first interview嘅二面谷,約9xx人)啲爸媽一齊響入面倒數(而家諗番都有啲眼濕濕,當時好很大壓力),一邊同大家講希望可以入到下一個谷(正取谷),但又互信安慰就算入唔到都唔代表小朋友唔好。
  • 然後15分鐘之後,原先嘅二面谷就變成備取谷,人數一路下降。正取谷已經開放,放左5xx幾個位,好心up但又好興幸可以留得低。
  • 重點係,你報嘅間間學校都會有咁嘅情況,真係好很大壓力

考小interview

  • 考小係由K2開始考到k3
  • 正常操作起碼報10間
  • 橫跨一整年
  • 每間學校唔同報名、面試時間
  • 有啲學校要見三次(e.g.英華)
  • 中間要不停加操
  • 興趣班(特別畫畫,因為間間都考)唔停得
  • 家長小朋友身心俱疲
  • 放榜時間間間都唔同
  • e.g.
  • 2025/26年直資私立小一報名日期預測:
  • 3月及4月:音小、漢華、嶺小
  • 4月至5月:蔡繼有、王錦輝、港同
  • 5月至6月:播道、聖保羅書院小學、真道、圓玄、優才、聖瑪加利、陸慶濤
  • 7月:救恩、英華
  • 8月:陳守仁、女拔、培僑、林文燦、九真
  • 9月:聖保羅男女、男拔
  • 10月:福附
  • 呢個只係考小報名日期未計面試月份
  • 你諗吓坐底要報八至十間….
  • 仲要係LH學生都可以全軍覆沒,幾恐怖
  • 不過都有個講法係
  • 其實只要你比較吓LH咁多間學校總共嘅學生人數
  • 同埋直資私立或者神校嘅收生人數
  • 神校亦唔會淨收LH嘅學生
  • 我明白全軍覆沒係好有可能
  • 以上係家長放榜嘅壓力

升小學官方方法

  • 小一入學統籌辦法分為兩個階段:「自行分配學位」階段及「統一派位」階段。
  • 1. 自行 – 自行分配學位,不受地區限制
  • 2. 統派 – 按地址大抽獎
  • 111 即係填表嘅自行、甲一(可跨區)、乙一(跟校網)頭位要揀同一間學校,學校先睇到你嘅誠意。
  • 而要選擇自行嘅話,元朗好多要111先可以叩門,例如榮茵。但元小唔洗,所以無謂晒111。
  • 直資小學根據面試表現收生,而決定收唔收。如果有直資小學收咗,就唔可以參加大抽獎。
  • 部分龍校可以大抽獎、部分龍唔可以抽獎 (如PC, MS, 九真)

如果要玩換校網:

  • 可以自行之後再搬,K3 11-12月,理論上12月都得
  • 1月要填表揀小學,6月知派位結果
  • 最遲K2就要有地址
  • 最好k2尾k3頭部署,始終搬屋需時
  • 11網 教育局會上門睇佢HKID
  • 會向7am, 10:30pm登門拜訪
  • 41網係會check 得好嚴,要見到個小朋友係屋到
  • 仲會想見下有無小朋友既野係度
  • 即刻2月-6月期間住喺報個地址最穩陣
  • 抽中左都會取消資格。然後因為大抽獎已完,叩門
  • 升中方法
  • 校網可以選擇跟住址或跟小學(所以小學校網都緊要,可以係統派嘅逃生門)
  • 所以點解啲人要讀培道幼稚園,因為直升培小(又係41 網)
  • 3月尾公佈自行分配學位正取學生,會收到有關中學的書面及電話通知
  • 亦可透過電子平台查閱
  • 7月統一排位

有左offer之後要點揀?

課程深淺

  • 只係有陣時望住佢哋故事書啲字
  • 點解可以難到咁
  • Hippo咪Hippo囉
  • hippopotamus係咩玩法?
  • 我響Caterpillar系列入邊學
  • 就係Hippo嘅正寫
  • 呢篇文科普左小學嘅程度同埋學校特性
  • 然後我話俾你聽,九龍真光小學一年班就要默呢個字hippopotamus

Tadpole呢個我以前真係冇學過

  • 我越爬文我都越擔心
  • 佢哋話而家K2考小學嘅中文程度好深
  • 靠幼稚園一定唔夠

小朋友點諗?

  • 我覺得仲要睇埋面試嘅時候,小朋友鍾唔鍾意學校嘅老師同埋會唔會enjoy個學習氛圍。我當面試都係一種俾小朋友認識學校嘅一個機會。
  • AB響SC嘅面試係七間裏面最好嘅一間,佢應該向呢間讀得最開心,只係阿媽唔想響公海玩考小⋯⋯

發表回覆

你的電郵地址並不會被公開。 必要欄位標記為 *