搵邊樹影學生/證件相嘅過程中，有個同事話佢個仔係去SENS Studio影家庭相，我先醒起，響港安出院因為COVID緣故影唔到家庭相，派咗一張SENS Studio嘅coupon，哎呀過晒deadline添，小寶話人地都係想說你買多啲相，實會比你影架。咁就膽粗粗打去問佢可唔可以extend，估唔到又真係得。
綜合而言，攝影師同BB嘅化學作用非常得，但係公司行政非常差。唯一有瑕疵嘅地方，就係佢幾個地區嘅Admin都有啲差。時間安排同埋訂單記錄全部都要分開center咁樣搵，就算搵啱地區嗰個center都可以話搵唔到我嘅Booking。然後又漏單，當然冇人認，但10月影完相，到3月先取貨，真係有啲誇張。
影相過程我冇用文字記錄低，但係印象中就係QQ同攝影師哥哥嘅化學作用非常良好， 就算QQ只係得一歲，但係當日不停講詞語，連攝影師哥哥都懷疑佢係咪真係第一歲？QQ對住攝影師哥哥亦都笑得好開心。所以一時唔覺意就買定下一次mark定同一個攝影師哥哥影家庭相嘅package ($888)，等細佬6月出世後，9月向荃灣影初生，然後12月去觀塘再影家庭相。
20221025 16:00 荃灣影相，然後店員話可以預約第二區揀相，所以我哋揀觀塘。
20221117 點知當我再問究竟係幾月幾號幾點嚟揀相嘅時候，荃灣區就話我來拍攝當日冇預約日子揀相⋯⋯然後荃灣區話佢哋冇資料。
20221127 16:30 KT揀相預約 – 因為佢話要買滿5000先至會有commission俾到攝影師哥哥，所以先至買埋佢哋條剪片，但係Google Drive嗰條link 又話即日會send俾我哋，但係我隔咗兩日都未收到，20221129有需要WhatsApp去再追問。
點知去到20221129，職員比到google link，但又話，「另外想提返兩個攝影套餐，中間最少要相隔半年才可以再影一次，否則會有額外附加費」然後我已經有啲嬲咗，我話嗰日響現場，我已經有講諗住出年9月影一次，然後12月再影，公司同事冇講過呢個condition，所以我先join。張單據嘅條款細則亦都冇講明呢一個condition。然後我話「唔緊要，如果你追加呢個要求，咁幫我cancel $888呢個套餐，同埋安排退錢。」好明顯我真係嬲咗。
20221130，職員有確認返可以照影，不過建議要去其他分店先至影到唔同嘅場景，無咁悶喎。咁我本身都諗住9月去荃灣，12月去觀塘影。所以就放過佢。
20231213，我懷疑佢漏咗單，唔記得咗send去做相架。所以我WhatsApp佢追單， 然後再提醒我，Google Drive條link仲係未有slideshow，但係張單佢已經話slideshow已取。20231214先有slideshow。
20231218，職員whatsApp我問，6×6兩個相架係會選用黑色框定白色框。頂，10月咪講左用黑色囉⋯⋯算，我再答一次。20231220先話收到。
20230202，我再whatsapp追⋯⋯20230203，1佢先send相架加相簿嘅排版俾我睇有冇問題，然後先至會製作⋯⋯擺明漏咗單⋯⋯
20230213，我再問幾時可以攞得？ 職員答要預大概一個月⋯⋯真心黐線
20230308，所以at the end去到3月8號先至有取貨通知。仲要逼我哋45日內要去取貨⋯⋯
洗錢篇