QQ Playgroup – Guidepost (Sai Wan)

我本住比QQ試多啲唔同類型嘅教學方法,去觀察佢究竟需要咩類型教育。

節錄自「QQ Playgroup 大事記 / 部分playgroup個人經驗評比

//其次係我個人鍾意嘅係guidepost,呢間就係咁岩月齡同教學咁岩夾得上嘅成功例子,QQ真係模仿到其他大半歲嘅小朋友,不停strong跟,佢嘅行路能力係果堂由20升級到80,無論係零食時間定玩玩具時間,佢都靠模仿,有巨大嘅進步。真係天時地利人和。

當然啦,就算媽媽幾鍾意都好,BB先係主角,又要睇BB性格,又要同老師有chemistry,係要揀一間BB都鍾意嘅playgroup先係皇道。跟Luke sir講句,世界上無最好嘅學校,只有最適合嘅學校。//

Guidepost Montessori International Kindergarten Kennedy Town
1-2 Floor, 554-560 Queen’s Rd W, Sai Wan

Guidepost 13m9

  • 原先以為蒙特梳利就係非常多free play,本身都無期望,點知教師資素同教材處理都非常好!雖然guidepost試堂要$400,但絕對物超所值!
  • 當然啦ArtsplusVPP都係QQ嘅常規課程,我點都要覺得佢地係最好嘅,笑。如果唔係西環guidepost(雞煲)距離我太遠,絕對可以做第二套常規課程!
  • 行入課室搓搓手。有1-2歲嘅小朋友一班。
  • 現場好大,好多蒙特梭利教材,總有一個啱玩。
  • QQ可以將顏色火柴放入胡椒樽。
  • QQ可以向木板上綁塊布,拉拉鏈。
  • 好多colo colo嘅枱椅。岩曬唔同身高嘅小朋友。
  • Circletime講天氣,星期幾。每個小朋友都可以貼一下天氣貼紙。兩位老師都壓到場,又唔會太強迫小朋友做乜野。一齊唱歌,郁下手腳。
  • 主題係春天,要響黃豆入邊搵兔仔,QQ最細整到周圍都係黃豆。然後大家一齊用匙羹畢黃豆,終於全部小朋友都畢到一地都係,反而因為QQ識畢飯食,所以畢得好好。然後排隊洗手。
  • 然後茶點時間,同pips一樣有茶點時間添,我一邊同QQ洗手,一邊眼尾見到有小面包食都幾好。
  • 點知抹完手轉身發現個個小朋友面前零食都唔同,慘啦,原來自行準備架。媽媽無準備零食,QQ慘。
  • 所有bb要自行攞餐具餐墊。QQ最後洗手所以最後拎餐盤。全部bb食住等,一齊望住QQ行,可能因為朋輩壓力,QQ完美拎餐墊,再完美雙手去拎碟(真係會打爛果種碟),媽媽超級虛榮!所有爸爸媽媽都讚QQ人仔最細,但行得好好、好乖、好肥(中間混入)、肌肉發展好好。好在對面爸爸讓左3粒波波米救亡。
  • 然後執拾,自行清理台面,QQ仲用濕紙巾抹台抹地,當然又收集到一輪讚嘆。
  • 然後轉去遊樂場玩,好大!等於4個Baumhaus free area咁大!
  • 然後又circle time,普通話10分鐘。唱歌時候QQ可以跟足動作,果然係一個模仿力滿滿。會跟足 instruction嘅寶寶。
  • 以bb為本,會同每一個bb sing goodbye song,會叫名。同baumhaus一樣。
  • 整體真係幼稚園嘅濃縮版,而QQ非常適合呢種模式。
  • 真係非常可惜,奈可真係太遠,如果唔係真係好想繼續報堂。
  • 上完堂仲有send返相比我睇,正。

目錄

QQ Playgroup 大事記 / 部分playgroup個人經驗評比

發表回覆

你的電郵地址並不會被公開。 必要欄位標記為 *