為咗慶祝小寶生日，貴少少都要試一試St Regis，$39xx，整體感覺瑞吉非常cozy，但唔適合帶同BB去。例如BB用品佢係有齊嘅，但係好遲先至送上房做setting，亦唔會有保護膠等等好似MO咁額外貼心嘅服務。仲要房間好多蝦碌。另外餐廳好靜，如果BB一喊聲音好響，搞到我哋勁唔好意思，所以成日都係一個人食飯，另一個人就孭住BB周圍行。
以下帶大家高呼check in加房型。
上完早上Artsplus playgroup，12:30左右到st. regis。費事諗去邊度泊車直接比$400過夜泊，所以會有酒店同事幫我哋拍好架車。
check in大堂，右邊係餐廳。QQ又響度嘈喧巴閉，所以帶左佢去睇水。旁邊係米芝蓮餐廳，潤。
check in 哥哥帶埋我地上房，上到最高樓層。門口。
哥哥見我哋有小朋友，特別提醒我哋黃銅嘅花灑容易傳熱，如果開咗熱水嘅話要小朋友小心啲。但係所有我哋要求嘅小朋友用具包括浴盤、BB床、High Chair、空氣清新機，全部都未送到。
張床旁邊有一棟暗門，哥哥話全酒店得一間相連房，而間房向總統套房隔離，其實我唔明白同暗門有乜嘢關係。
因為BB床未到，搞到我哋要spare一個人出去處理BB，另一個unpack。張床係King size，比四季大XD。
等哥哥出咗去之後，就係我哋房間介紹時間，照舊影影floor。
一入門，右邊係浴廁。橙色係假櫃門。
左邊係衣櫃。
開咗熨斗隔離呢幢門，就好似形成咗一個衣帽間。
櫃門落到最底貼地板咁滯，小寶撞腳趾，痛到喊。
光管響衣架通度，幾subtle。夾萬櫃桶可能承受唔到夾萬嘅重量，墜低左， 所以開唔到鞋抽嗰格，低個B。
開曬啲櫃桶，發現有條上一手嘅底褲，正。後黎哥哥戴晒手套，拎埋消毒噴霧入嚟消毒個櫃桶。其實我就唔諗住用櫃桶架啦，只係入面有條底褲係咩玩法。完全唔明白，點解上一手要放條底褲入去。
水bar。用kenwood水壺。
水吧旁有可回收、不可回收分類垃圾桶。我幾鍾意垃圾桶放呢度，有啲酒店垃圾桶放到鬼咁隱蔽，雖然美觀，但實際使用唔方便。
睡眠區，好大嘅一張工作枱，定係飯枱？
床側邊亦有單人椅。小寶出力踢前面張凳，腳趾又（點解講又嘅）受到重擊。
電視大而清，其實係咪合理㗎，sheraton嗰個雪花電視係咪黐線㗎。
床頭speaker好好聽，有衝動叫小寶換咗屋企個喇叭。
右邊望到小小會展海景。
直望城市景。
左望光大同李錦記。
浴廁區。
浴缸區。浴缸好大，1家3口落咗去，都仲有位淨。有頸枕，好硬。有鏡後電視。
洗面區，雙盤。
風筒夠力。
Kohler洗手盆
廁所區
TOTO
淋浴區
搞掂好行裝就孭好QQ，準備落樓食晏。走去隔離影下總統套房門口。
lift口都要影。員工見到客人落lift，會讓lift。
睇吓啲雲石有冇追紋先。小腳丫。
落到lobby。
QQ 攰到瞓着咗，所以我有一餐安樂茶飯。食完晏番酒店影下相，去咗3樓法國餐廳門口度望望。
好快QQ就醒左，上床餵飯飯。送左朱古力生日蛋糕比小寶。先留意到房燈係向燈槽度打落黎。
但High Chair仍然未到，忍唔住打電話追，點解成3點半都未有high chair，QQ想食晏啦。因為無High Chair地餵QQ食飯只會令成地充滿食物殘渣， 好彩佢係king size床下面先至有地氈，其餘地方係地板，其實都方便抹嘅，有high chair哥以固定到QQ多啲囉。
冇嘢食，你就睇住海先。窗台用左雲石枱面。
等到差唔多3點9，終於QQ可以有車坐食晏啦。好彩係地板，啱先餵咗啲飯，有三份一都落咗地板，抹死阿媽。
一次過拎埋熱水壺、尿片垃圾桶、玩水殼，嬰兒梘mustela。
QQ食到咁上下，就開定熱水，等游完水上返黎可以浸浴。小寶即刻明白點解黃銅傳熱勁啲，開左熱水後連佢都拎唔到個花灑嚟洗浴缸，所以st. regis真係唔係小朋友friendly嘅酒店。仲要個水龍頭一路滴水，滴到地下牆壁濕晒，迫死強迫症。同埋黃銅會甩色。
泳池本身好多大陸人，好彩後尾多番啲本地家庭客。泳池唔算大，全長1.2米深，有小型瀑布。每到整點冇嘢食，唔似四季，好慘，成日拎四季同佢比。
游完水，上嚟浸過波波浴。QQ食個奶就訓左，呢個時候梗係用管家服務嗌嘢飲。
管家服務一流，延遲咗兩次叫佢開床。order咗熱朱古力同埋Latte，送過嚟嘅時候，員工仲知道BB瞓緊覺，會好細力咁敲門，細力到差啲聽唔到。
落The Drawing Room食個晚餐，上番房見到熊熊上左神台玩。
