St Regis 瑞吉酒店 – The Drawing Room 三道菜晚餐及早餐

為咗慶祝小寶生日,貴少少都要試一試St Regis,整體感覺瑞吉非常cozy,但唔適合帶同BB去。例如BB用品佢係有齊嘅,但係好遲先至送上房做setting,亦唔會有保護膠等等好似四季咁額外貼心嘅服務。仲要房間好多蝦碌。另外餐廳好靜,如果BB一喊聲音好響,搞到我哋勁唔好意思,所以成日都係一個人食飯,另一個人就孭住BB周圍行。

以下係帶大家高呼飲食類。

晚餐 The Drawing Room

傍晚準備落去食三道菜晚餐。有成張太空椅咁嘅high chair,發現咗QQ 用出邊嘅杯係會飲多啲水⋯⋯

包包,又可以比QQ食免費晚包。

前菜係63度溫泉蛋,側邊嘅cream入邊疑似有忌廉芝士,再加有精煮過嘅入味蘑菇同埋三片好似蝦片咁嘅脆脆。係近期食過最有心機嘅前菜。非常出色。另一個前菜,未來牛肉就冇咁特別⋯⋯

日式豬腩肉好出色有驚喜,雖然重味左啲,但係入口會化。

侍應特登提我地,鱸魚淡口啲冇乜味但係配合個汁就啱啱好。本身條魚真係冇乜味, 又唔算滑,小寶話個汁係豉油汁。

甜品非常出色,果凍有好香濃茶味,生果好甜。甚至乎叫廚房幫我攞多啲菠蘿啤QQ 食。蛋白脆餅好出色,雜莓嘅組合亦都好完美,唔算太酸。

完全感受得到,整體三度餸真係花咗好多時間心機。

12m14

  • QQ非常聰明,我用手滅麵包碎俾佢食,佢識得揸住個麵包模仿我搣麵包
  • 爸爸講咗句乜我哋咁chur,QQ識模仿講chur
  • 識得拎口罩講戴,示意我哋可以上房
  • 見我話未食完唔戴口罩,就指住條孭帶叫咩咩

早餐,仍然係The Drawing Room

日式早餐同中式早餐

小寶鍾意嘅鞋颯颯三文魚,但佢話唔腥。但我發現人大咗唔鍾意食西京燒,太重味啦。麵豉湯好淡唔夠鹹,好似水咁。真係難服侍,西京燒又話太重味,麵豉湯就唔夠鹹。

鮑魚雞粥超好食,所以淨encore左個粥。

叫咗半份疏乎厘,但食落有啲似馬拉糕⋯⋯

小寶叫咗份鬆餅,鬆餅好食,但估唔到最好食嘅係條蕉,上面有一整塊焦糖icing,超正。

見到旁人太遲落去食早餐,就要坐隔離潤,好似係一星米芝蓮。

St Regis 瑞吉酒店 – 房型介紹

發表回覆

你的電郵地址並不會被公開。 必要欄位標記為 *