Four Seasons 四季 – 房型介紹

2022年8月,今次係慶祝QQ一歲生日,全家一齊去四季慶祝,大約一間$35xx,非常適合帶同BB去。但係當長老一齊,但唔算影得多相。四季嘅BB用品齊曬嘅,非常貼心,有齊保護膠等等,大少少會行會走嘅小朋友都照顧到,非常多額外貼心嘅服務。仲有嬰幼兒興趣班,並唔係間間酒店都有提供呢一類型活動,對上一次應該係美麗華

以下係房型介紹。

房內

打開房門,咦,左邊又有暗門嘅。

右邊擺設。圖中左邊個櫃,要打開門先見到入邊係水吧。

茶具套裝仲有免費花生糖同芝麻糖食。

水吧。

直望,點解唔識自動打開窗簾嘅。

床頭電話有清潔好嘅貼紙。

左手邊書枱空間,右手邊貴妃椅。

開咗窗簾嘅感覺。

床後邊係山水畫衣櫃。第一次見衣櫃燈係響衣架通出光,subtle。

如果要晾泳衣,下邊鋪返條毛巾會好啲。

張床比想像中細,應該唔係king size?可能唔想間房太逼夾,有錢人想要嘅空間感。

做乜嘢防疫包放向衣櫃入邊。

另外有個防疫corner向台面

手動撳掣開窗簾先,但長老房間識得自動開。歡迎畫面係動態嘅,QQ見到好興奮。電視好大,但由於唔想比QQ睇電視,除咗歡迎畫面之外,其餘時間都無開…小寶表示可惜。

有播放器,我叫小寶開啲音樂黎聽,佢非常有taste揀左藍調,令到間房好似cafe咁,正正。

電視櫃下便係夾萬。櫃桶無緩衝,開閂會bomb一聲。

close up一下bb床,四邊都有保護邊。

klook guarantee upgrade做海景房。個天好靚。窗台有一達污跡,酒精濕紙巾都抹唔走。唔通上一手向度煲蠟?

去返水吧右邊,即係門口轉右就係浴室。

右邊係馬桶,馬桶係螺旋式沖廁,唔會彈水上黎。

左邊係浴缸同企缸。order浴鹽浴巾,浴鹽係成樽鹽咁比。

條毛巾有窿,打電話後好快就有人送過一條黎。

企缸反而去水快,頭髮都會卡住向去水口,但夠大面積,唔會擋到去水。

企缸冇擋水,所以我一倒BB浴盤啲水,就水浸左出去,我低b⋯⋯

另外無帶拖鞋落泳池,所以order多對拖鞋替換。

用品喺櫃桶入邊。風筒夠力,但會吹到炸毛。

Kohler牆上水喉頭。孖洗面盆,無劃痕,應該係新裝修。水喉衝力太勁,洗面盆底太平,會彈水,呢樣有啲低b。

QQ鐘意坐向面盆旁邊,向平平嘅面盆底玩番梘,一捉住舊番梘,舊番梘就走左去。水龍頭開關向牆上,閂水喉枱面會濕晒。

洗手盆去水慢,QQ拎起過去水塞黎玩,又唔見有塞,但就真係去水慢

嬰兒用品mustela,連尿片同埋屁屁膏都有送埋。

尿片垃圾桶

泳池

無限時,每日可以用75分鐘。無邊際泳池,好正,打卡一流。又有訓練池比大人游水,又有淺水位比QQ拍水。

果然同其他人嘅評價一樣,因為泳池向餐廳出邊,所以聞到煙味,後來長老話係雪茄味。

每到整點會派小食,食過柚子雪糕、開心果雪糕,第二日芒果雪條、士多啤梨雪條。食到個人凍曬,仲要落雨落水,真玩命。派緊野食期間,基乎所有人都會上水,如果想影無人泳池,就一流,可惜我帶住QQ,無時間影多啲相。

有時好似係派野飲,感覺無咁開心。

但近邊際位水位較深,我呢啲一定要腳指掂地嘅乾旱鴨子表示好驚,當練手臂肌肉咁扶住旁邊引體上升咁移動出去。

仲有落雨,可以比QQ體驗下淋雨。

興趣班

有兩場岩QQ玩嘅興趣班,即刻book定先,磁力片同playroom。要同concierge 預約,夠鐘要落concierge等人帶你上樓,但除非太多人,如果唔係,超時玩兩個session應該無問題。同Mira一樣,向9樓封左幾間房做活動室。

磁力片間房有張有凹槽嘅枱,放滿磁力片,同時亦有隧道、火車架。同場有幾個3-5歲嘅小朋友向度玩。適合兩至五歲嘅小朋友玩。QQ 雖然得一歲,但都可以玩波波。

Playroom就直頭係成個playgroup free play area咁,或者party room咁,有廚房、廚具、書架(magazine stand),有sir滑梯,有醫生護士組合箱,仲有電視播放minions, 可惜有啲跳格。QQ明明好眼訓,但玩左個半鐘。

 

生日快樂

上返房就見到有生日蛋糕。

Four Seasons 四季 – The Lounge 三道菜晚餐及 Argo 自助早餐

發表回覆

你的電郵地址並不會被公開。 必要欄位標記為 *