育兒 – QQ學習之路 (教學材料)

爬文嘅時候睇到一句覺得好精警,嬰幼兒每日最主要嘅工作就係玩,個問題係要俾啲乜嘢佢玩。

呢幾年出世嘅小朋友,因為疫情冇得上playgroup,又冇得出街社交能力差。朋友話佢小朋友嘅幼稚園老師都話,「媽媽唔需要擔心,因為成級小朋友都會一齊變蠢,所以係呢樣嘢係成個學年、成個世界嘅事,唔係淨係你一個」。多謝你呀老師,你咁講真係令到我好放心啊⋯⋯

不過留意番,我target QQ都係入happy School,並冇諗住報咩學之園呀(呃,最後都有報黎玩,傳送門)、傳統名校呀咁,我並無打算要有系統地催谷佢。如果有心想要催谷,就千祈唔好跟呢一套hea hea嘅書單。反而要入返名幼媽媽谷,去考其他嬰兒牌(好似咩嬰兒行山、划艇、騎馬、攀石、平衡車牌照咁)。

我唔可以算係一個好努力嘅媽媽,只係有加入大大小小唔同媽媽group,將啲有用嘅資訊結集整理,然後照跟。無論買乜嘢書本、玩具都好,最緊要,最緊要係要有親子時間同佢伴讀、伴玩,唔係嘅話都係浪費金錢、地球上嘅資源嘅啫。真係無捷徑架。人人都話要磨耳朵,但係就算一個大人都好,你俾佢磨耳朵磨足一年阿拉伯文,如果冇動畫或者冇影像幫你去連結單字句子同埋個意思,點磨都係嘥時間。

Summary: Pinkfong Animal Songs Book / Pororo讀卡機 / That’s Not My Bunny / The very hungry caterpillars (Eric Carle) 配點讀筆 / brown bear what do you see 系列+ dear zoo / 幼幼撕不破小小書 / Peppa Pig 小猪佩奇100册 / 小金魚逃走了 / 抱抱 / 小黃點 / ⋯⋯開始亂買書

延伸閱讀書櫃 – 自從越來越多書同玩具,就響淘寶物色咗個好好用嘅書櫃。將好難收拾整齊嘅毛公仔、玩具,全部抌晒落去最底嘅籃到,冇眼屎乾淨盲。

Pinkfong Animal Songs Book

朋友送咗本Pinkfong Animal songs book,向ToyRus有得賣。由5m/6m,QQ就日聽夜聽,去到6m就識得跟着節奏搖擺個身,6m尾仲開始識得拍手。7m,我清唱入邊嘅歌,佢都會喺度搖來搖去。上網見到玩具反斗城有得賣。

Pororo讀卡機

所以QQ一出世之後嘅玩具,除咗朋友送嘅,第一件入手嘅係Pororo讀卡機。自從QQ好鍾意聽Pororo 嘅韓文歌食奶,我就認識到呢隻韓國企鵝。

成部讀咭機都只不過係$148, 就算壞咗都唔肉赤,仲要送貨上門,good good good。有29首經典兒歌,29個英文生字。仲可以訓練小手指去禁開機。

我問小寶買唔買好,因為部機寫住係要三歲以上,QQ而家先6個月⋯⋯小寶話韓國可能三歲先要學呢啲英文生字呢。又岩喎。

PORORO – 全新改良版|超人氣Pororo 英文單字及兒歌讀卡機|平行進口

中文圖書

6m時開始睇有乜嘢書買,見到有媽媽團購中文經典故事書,睇落個樣幾精美,所以訂咗下便幾本。點知個貨期一拖再拖,拖到8m先到貨⋯⋯ 所以更加迫使我要盡快買書,因為原來啲書都可以係期貨。

  1. 摸摸看!我的超大啟萌書
  2. 幼幼撕不破小小書-經典故事組- 格林童話
  3. 幼幼撕不破小小書-經典故事組- 世界童話
  4. 幼幼撕不破小小書-經典故事組- 伊索寓言
  5. 幼幼撕不破小小書-經典故事組- 晚安故事
  6. 寶寶認知互動翻翻書

臨時書櫃

That’s Not My Bunny

7m,小寶響Amazon買左That’s Not My Bunny系列,一套四本。呢套書唔係音樂書,冇得撳掣發音,要靠父母伴讀。媽媽表示入邊嗰啲單字唔識讀⋯⋯

The very hungry caterpillars (Eric Carle) 配點讀筆
Brown bear what do you see 系列+ Dear zoo

呢個梗係淘寶買(連結),呢隻非常肚餓嘅毛毛蟲響嬰幼兒界非常出名。由於我冇買Disney World / Oxford Path / Dmind,所以果斷入手毛毛蟲點讀筆,仲要買貴 百幾蚊人仔嘅Wi-Fi版。我打算用同一舊錢嚟買書,知識嘅重量都足夠可以掟死QQ⋯⋯

另外響同一間淘寶圖書店(凯迪克图书专营店),見到有brown bear what do see 系列+ dear zoo,仲可以配合點讀筆來使用,順便入手。另外,律師媽媽建議買埋Sing Along 欢唱童谣第一、二辑合辑。真係完全可以用到兩歲。

Peppa pig

另外一間書店(优学宝贝图书专营店)又可以買到peppa pig合集,就算隔晚睇一本,因為QQ好鍾意重複,睇到兩歲仲未睇100本XD。

第一輯句子短英文字簡單; 第二輯就開始句子結構變長咗,每一版多咗文字

另外!向23m嘅一個月,每晚不停重複讀同一本peppa pig之後,終於頂唔順, 只要將毛毛蟲筆連接電腦(無論係PC定係MAC),都會見到幾個file,最有用係其中兩個:

MP3: 只要將歌曲放入去呢一個File,然後打開毛毛蟲,響開機掣下邊有一個正方形掣,正方形即係MP3模式,可以開始播歌或者用黎磨耳朵。

DIYAUDIO: 首先,準備毛毛蟲嘅貼紙簿,向毛毛蟲盒入面。只要將peppa pig(淘寶買咗兩盒藍色同埋黃色,問返店家就會送音頻,雖然冇YouTube咁好聽,起碼叫做有)嘅音頻放入去,改名做REC(貼紙number),就可以將peppa pig變成點讀書!

Spotify

免費英文故事

D230 (7m17): 第一次開住比QQ聽住入睡,點知小寶刷完牙返嚟,見到媽媽同QQ一齊man down。果然,要我哋聽英文故事,實在太催眠。

咁啱之前睇到一句講得好好,就係人人都話要磨耳朵,但係就算一個大人都好,你俾佢磨耳朵磨足一年阿拉伯文,如果冇動畫或者冇影像幫你去連結單字句子同埋個意思,點磨都係嘥時間

免費普通話故事

暫時未試過

廣東話故事

24m: 搭車嘅時候如果車程長,就想俾啲廣東話故事佢聽,spotify follow左「紙飛機」,除左聲音時大時細,入隧道又要教大聲啲之外,其實語速、聲音、故事都好吸引到QQ。

買書

1歲左右,響parent shop最新入手嘅書,等咗成個幾兩個月先到。

14m+:

已經識睇「小金魚逃走了」,可以指住長頸鹿叫「鹿鹿」。

16m+:

peppa pig會指住banana,「佢喊呀」

17m+:

本「抱抱」QQ勁鍾意,鍾意起上黎,一日要我講 4-5次。QQ不停屈隻猩猩「喊呀」

開始識自己倒「幼幼撕不破小小書」出黎,要我講,我得閒就普通話,得閒就廣東話。

向bookazine用gift card買左$500 5本書,有weather, feelings, family, emotions, potty train.

18m+:

本小黃點真係奇書,終於去到歲半,QQ識得跟住拍手,跟住點小黃點,每次玩都好嘈。朋友黎探訪試玩都覺得好攰。

20m+:

開始有心機比泥膠佢玩。呢位泥膠唔知邊個送嘅,非常好,唔會有細個玩果啲泥膠臭味。我仲係字接受到佢mix color。小寶amazon買左foam板泥膠,話會never dry out,我覺得似薩其馬,我就試下會唔會dry out先。

24m+

然後基本上佢都兩歲,咁我哋就定時定候開始按需要買唔同類型嘅書,例如有時買學習上廁所嘅書,有時買上幼兒園嘅書。然後小寶開始亂來買書,「在我被吃掉以前」⋯⋯我伴讀咗一次之後,就決定叫小寶自己同佢讀。

準備trouble two時,買左小惡魔尼尼系列,自此愛上爆米花⋯⋯


生仔都要生三日

  1. 三日產房之旅 – 見紅入院篇
  2. 三日產房之旅 – 生仔都要趕deadline
  3. 三日兩夜病房餵奶遊戲

產後打大佬

  1. 出院後嘅混亂人生 (D4-D100)
  2. 孕期 – 順產 or 開刀
  3. 產後媽媽身體變化
  4. 育兒 – Fun Fact
  5. 育兒 – QQ成長之路
  6. 育兒 – 加固之路

餵奶篇

  1. 孕期 – 奶粉選擇
  2. 育兒 – 人奶 vs 奶粉
  3. 育兒 – 哺乳埋身篇
  4. 育兒 – 哺乳泵奶篇
  5. 育兒 – 電動奶泵嘅選擇
  6. 育兒 – 奶袋篇
  7. 育兒 – 塞奶篇(D118)
  8. 育兒 – 返工泵奶篇
  9. 非官方非正式之塞奶原因
  10. 育兒 – 追奶之路

尿片篇

育兒 – 尿片篇

洗錢篇

  1. 產後 – 紮肚篇
  2. 嬰兒攝影 – venture studio
  3. 嬰兒攝影 – ABC studio
  4. 產後購物清單
  5. 產後 – 4-5個月購物清單
  6. 產後 – 6個月後購物清單
  7. 加固篇 – Bruno 豆漿機
  8. 加固篇 – Philips Avent 4合1蒸煮攪拌器

學習篇

  1. 育兒 – 學習之路
  2. 孕期 – 英語學習之比較(Disney/Oxford/D Mind)
  3. 育兒 – N/K班
  4. 育兒 – 報學校懶人包
  5. 元朗幼稚園懶人包(以偏概全版/集思廣益版)
  6. 育兒 – 書枱

發表回覆

你的電郵地址並不會被公開。 必要欄位標記為 *