Sheraton staycation Suites – 奇差嘅顧客體驗

2021年5月,呢一次係呢個月去左咁多次staycation顧客體驗最差嘅一次。雖然我覺得差勁嘅體驗係由打電話預約開始,但一路經歷嘅嘢,令到我覺得已經唔係個人偏見咁簡單。

係預訂之前,已經打咗一次電話嚟想order兩間相連嘅套房。好似係想問下有無孕婦枕,如果無就要多兩個枕頭,所以打第二通電話。點知員工同我哋講話,完全冇見到 預約Number入邊有mark第一通電話嘅要求,所以幫我哋重新mark過,要求兩間相連嘅套房。

然後去到check-in嘅時候,前台答我哋兩間套房要分開⋯⋯我話我哋一開始訂嘅時候就要求要兩間相連嘅套房,點解而家冇。前台話冇收到我哋嘅要求,亦無記錄顯示我地曾經打過兩次電話黎。因為已經向前台等咗差唔多半個鐘,佢先話冇收過我哋兩通電話,如果我哋要再check,要再等,我已經嬲咗。前台話,聽電話嘅同事,並唔係佢哋前台嘅同事,所以佢哋唔清楚。

為咗表示歉意,前台將其中一間套房話聽日可以延遲check out,由十二點到三點,但係前題當日要到六點先可以check-in。我問佢,因為你比唔到房,所以要遲三個鐘頭check-in,先有得遲三個鐘頭check out,咁有啲乜嘢意思,咁樣係表示歉意?前台話,呢一個係最合理嘅安排。得,明曬。

最後朋友間房入邊多咗兩粒朱古力⋯⋯

係咪以為當日要排好長龍,打晒蛇餅,所以先至會無房呢?錯啦,當日成個大堂,連埋員工,加埋都唔夠10個人。所以先影到好多大堂嘅相。我因為陀住,成日覺得好攰,坐咗喺度望住3D地氈,睇到好眼瞓。

所以唯有打比朋友講,雖然明明已經12點幾出咗尖沙咀,但都要等到6點先可以check-in。試咗咁多次staycation,真係第一次遇着咁樣嘅五星級酒店。

sheraton嘅中餐廳叫天寶閣。

諗住住套房喎,應該都唔差啦。一入房,發現開關門無緩衝,隔音差。

右手邊一個衣帽櫃。

大門左手邊就有一個客廁。有Cordis果款番梘座。

入房見到嘅窗景。

In house Wi-Fi嘅 QRcode唔work。好唔爭氣。笑左。

熱水壺用Kenswood。

再入去係一個大廳。電視對比個大廳就略嫌細咗啲。同埋勁多雪花。

張枱得咁大,搞到班friend喺度開餐嘅時候,都有啲唔方便。

茶水間隔離先係睡房包套廁。

反而呢個位置好有情調。

浴室隔離仲有個衣帽間。

沖完涼嘅霧氣,係得兩個洗手盆中間先至有防霧功能。

Amenity brand name – Le grand bain 幾好用,好似係名牌子。

可惜廁所洗手盆手制生銹。

沖涼房好得,洗手盆開水唔會影響沖涼房水溫,合格。兩個花灑頭好過癮,水溫穩定,好玩過雨林。雖然沖涼房係一棟好單薄嘅玻璃門,但係啲水唔會湧出嚟,唔似得美麗華咁。

唯一一次浴缸係唔會自動去水,所以啲水可以浸過浴缸出邊,但係佢可能水壓問題?定係設施太舊?仲有,明明閂實咗去水塞,都會自動漏水。

Sheraton嘅浴鹽

癲起上嚟可以連埋浴缸嗰個花灑,一齊三個花灑頭出水。三個花灑頭係獨立熱水供應,互相唔影響。

雙洗手盆,但係位置好奇怪,玻璃盤凸咗出嚟成日好似頂住個肚咁,應該係枱面位置想慳位,但係又唔想洗手盆過細。

洗手盆嘅玻璃弧度可以出到完美漩渦。我承認我好唔環保,淨係睇呢一個漩渦,我諗我哋可以睇成幾分鐘。如果唔係怕太浪費食水,我哋可以睇一日。

風筒有啲太重。風力唔錯。

夜晚對面有人慶祝。

reception旁邊廁所入便嘅洗手盆。


Sheraton系列

Sheraton staycation Suites – 奇差嘅顧客體驗
[FOOD] Five Guys @K11 Musea
[FOOD] 谷辰@TST

發表回覆

你的電郵地址並不會被公開。 必要欄位標記為 *