又係2021年5月，因為疫症關係，成班朋友好難響出邊餐廳搵位食飯，所以不如book間房，嗌外賣響入邊食。其中又可以有人喺度瞓返晚，何樂而不為。
其中有朋友好想睇海，所以我特登request咗海景，雖然冇得行去海邊，但都叫交到功課啦。對於我呢啲野蚊嘅人嚟講，隔住個玻璃、又有冷氣、又可以睇到海，真係好幸福啊。
因為咁大班朋友，梗係要book間套房。都會海逸來講，設施就一定係舊㗎啦，勝在就腳。尖沙咀都算喺香港嘅中心，所以大部份朋友都會選擇佢黎做一個中心點。
今日天色麻麻，但係叫做房入邊有一個遼闊嘅海景。仲要喺望港島嘅。我記得Ritz Carlton 天台哥哥講過，住尖沙咁望港島嘅景，仲靚過住港島酒店望向往九龍嘅景。
第二朝海景。
一入房就見到梳化同電視，似係一間細細間嘅蝸居。燈光唔夠，冇壁燈。窗好污糟。
背後仲有個廚房。
主睡房仲大過個廳。
我爸爸媽媽裝修時，都係住都會海逸，不過唔係套房。廁所浴室基本上同細房嘅格局差唔多。熱水要開好耐先有。洗手盆同沖涼房熱水唔共通。
響廳嘅梳化旁邊有張圓形玻璃枱。
離開嘅時候，喺紅磡見到呢隻豬豬，我都好想浸溫泉。
