因為上次響Venture Studio有唔愉快嘅BB攝影經驗，但係又想響QQ三個月嘅時候影多輯相，所以就周圍喺媽媽谷裏面問有冇啲嬰兒攝影係冇閃光燈嘅。點知聽返黎先知，原來嬰兒攝影係唔會用閃光燈⋯⋯擔佢。
然後就揀咗間平靚正嘅葵涌ABC Studio，當其時團購優惠價係$399，假日加$100。 都只係$499就已經可以攞到超過100張相，果然我哋要有嘅嘢好簡單，唔需要貴嘅。
本身有好多個場景，我哋嗰套餐可以揀兩個場景。太lady太girlish嗰啲，我就唔鍾意啦，最後揀咗Mario，同埋日本景，反正QQ都成個男仔頭咁。
佢又有服裝提供。雖然我哋自己都帶咗日本浴衣去，但係既然係佢有一套靚仔嘅衫，梗係着佢個套啦。疫情關係佢有將套衫放落去紫外線消毒，我哋自己雖然帶咗消毒噴霧，但發現佢都有同款消毒噴霧，真係好貼心。現場又有換片墊可以比BB換衫。 仲有一個area可以比BB埋身食奶，方便安撫初生BB。果然係專業嘅嬰兒攝影。
影相嘅時候攝影師好有經驗，同BB一閃即逝嘅笑容鬥快，捕捉鏡頭。助手又有勁多道具可以引誘BB望鏡頭，服務、影相品質簡直不得了。
整完之後好快趣就已經將數碼相全部畀返晒我哋。雖然佢冇大精修，但呢一個價錢，what do you expect。雖然影相嗰朝早，QQ 整損咗自己塊面，但呢一套相都不失為一個好好嘅記錄。又或者能夠話，咁樣先至係最真實嘅、三個月大嘅QQ。
過咗幾個星期，佢哋仲會轉換新嘅場景。近排見到個霍格華茲嘅場景，就好想再去影過，希望疫情快啲和緩。
呢間studio定係唔知係咪佢嘅姊妹公司，仲好似有cake smash同泡泡浴。到時QQ一歲可以考慮吓響呢間度玩cake smash。
生仔都要生三日
產後打大佬
餵奶篇
- 孕期 – 奶粉選擇
- 育兒 – 人奶 vs 奶粉
- 育兒 – 哺乳埋身篇
- 育兒 – 哺乳泵奶篇
- 育兒 – 電動奶泵嘅選擇
- 育兒 – 奶袋篇
- 育兒 – 塞奶篇(D118)
- 育兒 – 返工泵奶篇
- 非官方非正式之塞奶原因
- 育兒 – 追奶之路
尿片篇
洗錢篇