非官方非正式之塞奶原因

要想知道塞奶嘅原因，自己去睇健康院小冊子啦。

延伸閱讀：

育兒 – 塞奶篇(D118 D237)+解決塞奶方法
育兒 – 追奶（又名塞奶）之路

以下係我亂咁嚟寫低嘅塞奶方法，包你成功塞奶，一試就塞，塞左。非官方/非正式嘅可能塞奶原因：

溫度同濃稠度

1. 因為天氣凍，冷縮熱漲，連乳腺乳頭都縮埋左？想講本身個人都係體溫高，成日向出邊度體溫，部機都會響。中醫話係體虛，但生完之後，體溫好似同常人差唔多。係咪就係因為體溫低咗，所以啲奶杰左，冷縮熱漲就gg。
2. 天氣凍，BB同感應器（乳頭sensor）講，想要食多啲乳脂，所以人奶不飽和脂肪多咗？又杰左。
3. 食得太多肥膩野？咁樣擺明會杰左，又塞左。

物理學

1. 有機會係bra太緊，瞓覺扎住咗一邊，果邊都會容易塞奶。度下cup size（我第二次塞奶之後，買左4個大一size嘅bra，之後就好咗好多。呢個真係幾好着，本身係諗住求其買，諗住有得送貨，連試都費事。本身已經買左兩個M碼，點知第二個月尾要換4個L, 所以一開始唔好買太多住，size會慢慢增長）
2. 每次都要門口擠清，唔好堵塞。只要一次，泵完無按一下蓮姐，清左門口嘅奶，下次就⋯⋯完。
3. 有一次係因為紮肚，所以塞左。因為紮肚師會幫我背脊用熱石推鬆再紮，扒低向床果時已經谷谷地，但可能重力加速度，一紮完泵奶，已經GG，叫樓下「煲定通草水啦」⋯⋯
4. 最新塞奶方法，響谷奶嘅時候（例如早上瞓醒），比QQ出力踢一腳個胸，我脆弱嘅乳腺又gg左，可能踢到佢破損發炎？所以又痛啦，又發燒啦。

用具類

1. 本身試喇叭size，奶泵城教學應該係24mm。但唔知點解用親都塞，用28/30都塞，愈試愈大。最後發現，個蓮姐連埋舊雲係完全唔可以掂到個喇叭杯位，一掂到呢，就損架啦親⋯⋯但男人同BB都一樣，唔鍾意蓮姐大。但大帝呀，明明就係QQ自己啜左幾個月，啜到個蓮姐大左⋯⋯所以泵奶明明用開36喇叭，想試吓轉用30，睇吓會唔會冇咁容易扯出蓮姐？點知就又塞左⋯⋯得左。

2. 泵奶器氣閥有破損，搞到泵唔清，都有可能導致塞奶。實驗：我將主機嘅氣管左右掉轉接駁，試吓個吸力。就發現唔係條管嘅問題，而係個樽嘅問題。好明顯係有一邊個樽漏氣，然後就試吓個樽，邊個位插得唔實、封得唔夠緊，逐part排除問題。最後就發現氣閥鴨嘴位裂咗，換咗一個氣閥之後，左右邊嘅奶量又維持返水平。

塞完之後，奶量又會少咗，又要再努力追奶。

D234: 解決左一隻QQ厭奶，我又塞奶。明明已經一日固定時間泵四次。又發燒，原來發燒洗手隻手會痛，好似坐月果個月咁。今次算係比較嚴重嘅塞奶，未塞到試條頸，但兩次必理痛都唔掂。最誇張係右邊塞到有沉澱物。仲要明顯唔同色。變左豆漿？！

 

 

---

生仔都要生三日

1. 三日產房之旅 – 見紅入院篇
2. 三日產房之旅 – 生仔都要趕deadline
3. 三日兩夜病房餵奶遊戲

產後打大佬

1. 出院後嘅混亂人生 (D4-D100)
2. 孕期 – 順產 or 開刀
3. 產後媽媽身體變化
4. 育兒 – Fun Fact

餵奶/加固篇

1. 孕期 – 奶粉選擇
2. 育兒 – 人奶 vs 奶粉
3. 育兒 – 哺乳埋身篇
4. 育兒 – 哺乳泵奶篇
5. 育兒 – 電動奶泵嘅選擇
6. 育兒 – 奶袋篇
7. 育兒 – 塞奶篇(D118)
8. 育兒 – 返工泵奶篇
9. 非官方非正式之塞奶原因
10. 育兒 – 追奶之路
11. 育兒 – 加固之路

尿片篇

育兒 – 尿片篇

洗錢篇

1. 產後購物清單
2. 產後 – 紮肚篇
3. 嬰兒攝影 – venture studio
4. 產後 – 4-5個月購物清單
5. 嬰兒攝影 – ABC studio