好彩臨生之前年幾，轉左大公司，有一個好好嘅哺乳室，入邊有洗手盆、熱水機、雪櫃、沙發。所以要準備嘅嘢比其他媽媽少。
大約返工前兩星期開始，慢慢拉開泵奶時間，令個胸可以容納多啲奶。我嘅時間係朝頭早六點起身泵奶，泵完就搭車返工。大概11/12點到，再泵一次，然後食晏。大概5點再泵一次，然後收工。返到屋企食個晚飯，然後沖涼洗頭，臨瞓埋身。
泵奶要準備嘅嘢
1.消毒噴霧 – 梗係消毒下成間哺乳室嘅環境先，之後先泵得舒服。
2.奶泵主體 – 買咗個二手youha主機$300，好好彩幾乎全新咁滯，直接成部主機放喺公司叉電，就唔使日日咩嚟咩去。第一胎7-8個月後，轉左spectra dual compact。
3.響$12店買咗個A4size嘅文件膠盤，高身少少。將奶泵主體同埋一Pack濕紙巾，連埋密實袋裝住嘅奶泵，放落黑色環保袋度一次過拎入去哺乳室。入到去就可以成個tray拎出嚟，放喺枱面，就算將奶泵同喇叭凍着企響度，個膠籃都可以擋住奶泵唔會跌落地下。
4.濕紙巾抹蓮姐 – 用過思詩樂試用裝一包兩塊好濕，啲水流落去冬天好想死。我推薦安美潔，佢夠水得黎，又唔會太濕，就算出街埋身時用都方便。最緊要都係HKTVmall買有得送貨。
5.奶袋，marker – 我知道有啲媽媽會選擇用marker將容量寫落去貼紙，再貼落去個奶袋度，唔想marker直接接觸過奶袋。但我懶。
6.洗碗瀝水盆 – 屋企搵到一個膠盆，中間仲有一個瀝水兜，可以用來浸奶泵。我好彩啲，可以將呢個盆放哺乳室，唔使日日拎黎拎去。第二胎更新：完全唔想洗，轉左用cimilre奶泵譚支架，直接用熱水加入樽，然後用樽由喇叭倒水入支架，沖一沖，然後入袋拎返屋企洗，乾淨又衛生，唔駛好似youha又環洗隔奶器又勁多配件。二胎泵奶10分鐘，入奶、洗野入袋10分鐘，搭lift整理10分鐘，30分鐘搞掂。
7.洗奶樽液 – 每次用完嘅奶泵，我都會加一圈洗奶樽液，再用熱水浸一浸。去個廁所再返嚟，用水喉水沖一沖。然後再將全日兩set嘅奶泵，放落一個大嘅密實袋度，拎返屋企再洗過。第二胎更新：因為唔駛洗奶泵，又慳返。
8.尿片冰種 – 睇過YouTube教學文，一舊硬身嘅冰種（可能係同奶袋或者儲奶瓶嘅距離遠左？）同埋便利店買到嘅一袋袋軟身嘅冰種，都唔夠尿片冰種嘅保冷能力咁好。 製作方法自行YouTube search啦。成本都只不過係幾個奶袋同埋一條尿片⋯⋯ 我自己做過實驗將其中一個奶袋注滿水，比幾包尿片冰種夾住，然後放入保溫袋，12個鐘之後返嚟，袋水都仲係六度。咁ok啦，夠番工啦。
整來製作尿片冰種比細佬，順便教尿片原理
亦都有睇過Fridge to go等等幾個大牌子嘅保溫袋，發現都係要成個袋雪入雪櫃，但而家係疫情時候，個袋外邊可能會黐到啲細菌，所以唔想放入冰箱冰住啲細菌， 所以冇選擇到呢類型保溫袋。
9.冰袋
將奶袋連埋5包尿片冰種放入youha冰袋。我會將兩包尿片冰種平放放底，然後放一包奶(11:30)，然後又放一包尿片冰種，再放第二包奶(17:30)，在冚上兩包尿片冰種。拉鍊，完。0730出門口，1900返到屋企，啲奶仲係6度。
我用5包冰種：
最底2包冰種
然後1包奶
1包冰種
然後1包奶
放2包冰種
閂蓋
番工泵奶schedule
06:00 起身梳洗
06:20 泵奶加手揸
07:30 出門口
08:30 番到公司，洗杯斟水
食Materna、益生菌、華御結飯團
一大杯炒米水
11:00 泵奶
12:00 lunch
14:00 一大壺水
16:00 飲媽媽奶、食上奶曲奇
17:00 泵奶
生仔都要生三日
產後打大佬
餵奶篇
- 孕期 – 奶粉選擇
- 育兒 – 人奶 vs 奶粉
- 育兒 – 哺乳埋身篇
- 育兒 – 哺乳泵奶篇
- 育兒 – 電動奶泵嘅選擇
- 育兒 – 奶袋篇
- 育兒 – 塞奶篇(D118)
- 育兒 – 返工泵奶篇
- 非官方非正式之塞奶原因
- 育兒 – 追奶之路
尿片篇
洗錢篇