無論你係全職家庭主婦定係在職媽媽，選擇得餵人奶嘅，就要對奶袋有認識。無論係雪奶定係冰奶都需要用到儲奶袋。
第一胎嘅時候我會將泵出嚟嘅人奶倒落奶樽，然後直接放喺雪櫃，要餵嘅時候先加加減減咁倒適合嘅份量出嚟。放冰格嘅冰奶，先至用奶袋。同埋當時奶量唔算多（應該係多奶嘅時候，個女就厭奶；塞奶嘅時候個女就掹長期），所以對奶袋嘅使用仲未到爐火純青。慢慢就發現放響奶樽啲雪奶，好似會有啲蘇味。
第一胎餵到差唔多歲半，大概一歲開始我就將雪奶都用奶袋去裝，係冇咁環保，但係可能少咗同空氣接觸，倒出嚟嘅奶感覺上同埋味道上，都好似保鮮啲。
然後第二胎上奶好成功，完全供過於求。又加上有朋友不停送唔要嘅、唔同牌子嘅奶袋俾我，所以就可以生成呢篇文章。
延伸閱讀：育兒 – 電動奶泵嘅選擇
我第一胎一開始已經好努力儲緊奶袋嘅試用裝，都唔算多，只係得幾隻牌子。第二胎就直程百花齊放。以下幾隻係真係有使用過嘅讀後感：
- Babycare
- Youha
- Jaco Perfection
- LoveAmme
- Mother-K
台灣教學文話，入奶袋時候，卒開開口位會衛生啲。痴線，perfection撕開開口位之後，打開個拉鍊位都有困難點樣卒開。基本上keep到入奶嘅位置同倒奶出嚟嘅位置，就已經好好。
有啲牌子嘅奶袋，倒奶出嚟嘅位置向正下方，因為有時我會連個奶袋一齊放落去暖奶器，咁就會同水有接觸，所以都係慣咗買開口位響上邊嘅 perfection，又平，入奶嘅位置同出嚟嘅位置又分開。
1. Babycare
- 內地牌子 180ml，rmb$49/50pc
- 寫字位有白底，用marker都唔會化
- 又有獨立出奶位，又係高撕口位
- 袋身係透明，容易推空氣出嚟形成真空
2. Youha
- 獨立出奶，頭入腳出
- 寫字位有白底，用marker方便
- 下面撕口倒奶，唔就手唔好用。
- 又有人比左新款我試用啦，今次呢款係可以接駁youha樽直接泵入袋。我第一胎都有試過用接駁器，不過可能因為要手揸奶按摩，只會搞到好呢hea，所以唔鍾意用。今胎仲要用cimilre樽，支架一體化，乾淨衛生易倒奶，唔需要接駁奶袋啦。
- 200ml
- 所以用呢個另蓋奶袋就一啲都唔方便，因為無漏斗，要好小心咁倒奶入袋。然後支空氣出黎又因為個袋唔係透明，所以好驚支倒瀉啲奶，奶袋都係透明嘅好啲。如果半夜眼瞓嘅時候，真係唔適宜做呢啲技術活。
- 有硬膠另蓋，又無咁環保⋯⋯
半夜泵奶係咁暗架啦
3. Jaco Perfection
- 韓國，250ml
- $118/120pc平均$1/pc
- 又有撕口倒奶，獨立入奶，獨立出奶
- 最緊要HKTVmall有得送貨。生完之後除咗返工，係真係冇時間出街，有得送貨非常之咁緊要。見「產後購物清單」。
- 註：奶袋要拉到最開，嗰度數先至會啱。
4. LoveAmme
- 我自己入奶嘅時候都唔方便，因為成個袋好軟，好易倒瀉。
- 屋企人評價一啲都唔好用，要倒奶嘅時候要成個頂剪開。
5. Mother-K
- 容量200ml/7oz
- 都係單一入奶口，倒奶出黎冇咁衛生
- 打開咗個口好闊，好容易倒奶入去
- 由於垂直，所以拉開晒個奶袋，就好容易睇到奶嘅容量
- 頂端位置只係得單拉鍊，冇孖拉鍊咁安全
- 頂端位置有顏色，要向燈光下先知道幾時推咗空氣出嚟，都係透明容易睇啲
- 磨砂面，摸落去好舒服
生仔都要生三日
產後打大佬
餵奶篇
- 孕期 – 奶粉選擇
- 育兒 – 人奶 vs 奶粉
- 育兒 – 哺乳埋身篇
- 育兒 – 哺乳泵奶篇
- 育兒 – 電動奶泵嘅選擇
- 育兒 – 奶袋篇
- 育兒 – 塞奶篇(D118)
- 育兒 – 返工泵奶篇
- 非官方非正式之塞奶原因
- 育兒 – 追奶之路
尿片篇
洗錢篇