產後 – 紮肚篇

紮肚師認為,每一胎都應該紮肚,腹直肌回復好,生二胎都會順利啲。紮肚呢,順產要一個月後,開刀要兩個月後,仲要清晒惡露。仲有嘅係,如果嚟緊M係唔紮得肚嘅。

而我本身脊柱側彎,有一邊肋骨會比較突出。都話我嘅人生好戲劇性㗎啦,紮個肚姐,都係10日嘅事,風都打咗兩個。正路來講,紮5日、休2日、再紮5日。

紮肚過程

按摩排毒,然後用熱石按摩行氣活血,再紮肚。

紮肚嘅第一日穴位排毒按摩,痛到嚇死我,程度有如陣痛。加上塊布比較硬,頂到肚腩同埋恥骨位都好痛。原來係因為我身體排唔到毒,塞實曬,真係如果冇紮肚都唔會知咁塞車,好彩過咗第一日就冇晒事,應該係通咗。話晒都成三指咁闊,點都要撐落去。

等到第三日之後,同一個位置按落去居然已經唔痛,就好似打通左任督二脈咁!通完用熱石按摩果時,真係舒服到想瞓着。

大概三四日左右,已經發現個肚臍凹返入去,肚皮都冇咁鬆,落床嘅時候個腹有力左,餵奶彎腰都行動自如。最正係連妊娠紋都淡咗,搵返條腰線。起碼老公唔再話我個肚好似阿婆皺皮咁,終於開始搵返做女時候嘅感覺。

仲有紮肚嗰啲結真係好似晚禮服咁,好靚好治癒!最後真係摸到條腹直肌條喇收細返,腹直肌分別收細到1指同指半。真係好神奇!

不過記得封好底布之後,要除褲除底褲,唔係尿都冇得痾。好彩我仲係着緊孕期嘅底褲,淘寶4條$3x,撕爛一條都唔肉痛。

價錢

我個紮肚師收費唔貴,古法$6888,磁叉$8888(即係加多15分鐘磁叉,但聽聞會再痛啲),三個月前預約、或者二人同行、或者團購價會再平啲,最平$4800古法都有。

 

 


生仔都要生三日

  1. 三日產房之旅 – 見紅入院篇
  2. 三日產房之旅 – 生仔都要趕deadline
  3. 三日兩夜病房餵奶遊戲

產後打大佬

  1. 出院後嘅混亂人生 (D4-D100)
  2. 孕期 – 順產 or 開刀
  3. 產後媽媽身體變化
  4. 育兒 – Fun Fact
  5. 育兒 – 加固之路

餵奶篇

  1. 孕期 – 奶粉選擇
  2. 育兒 – 人奶 vs 奶粉
  3. 育兒 – 哺乳埋身篇
  4. 育兒 – 哺乳泵奶篇
  5. 育兒 – 電動奶泵嘅選擇
  6. 育兒 – 奶袋篇
  7. 育兒 – 塞奶篇(D118)
  8. 育兒 – 返工泵奶篇
  9. 非官方非正式之塞奶原因
  10. 育兒 – 追奶之路

尿片篇

育兒 – 尿片篇

洗錢篇

  1. 產後購物清單
  2. 產後 – 紮肚篇
  3. 嬰兒攝影 – venture studio
  4. 產後 – 4-5個月購物清單
  5. 嬰兒攝影 – ABC studio

 

發表回覆

你的電郵地址並不會被公開。 必要欄位標記為 *