前提梗係BB健康、頭仔轉咗向下、足月啦，先有得你揀。連我自己三十幾週嘅時候都仲係胎位不正，邊有話得埋㗎。
如果去到孕後期，BB個頭仔都冇轉落去，或者BB頭圍過大、size過大，咁都係開刀算吧啦。醫生都唔會俾你做其他選擇。
順產嘅原因
有人會話想自己回復得好啲，有人會話想天然啲咁樣去生產，有人話BB個頭仔經陰道生產出嚟，受過擠壓，會對腦部呼吸發育更加好。
我真係覺得選擇嘅嘢因人而異。 我自己一路都係話想試吓順產，如果真係臨場唔得，咁咪食全餐囉。講真去到嗰個moment，一黎冇得揀，二黎快快脆脆叫醫生拎BB出嚟，然後去救你好過啦。唔試過，又點知得唔得呢，我嘅心態係，唔試嘅話，我一定會後悔。
有人話我好怕十級痛，其實我生之前已經係咁諗，只要陣痛一開始，就一定有終結， 你唔會用10年去生佢出嚟㗎嘛，最多咪痛三日，相對於人生流流長，淨係其中痛三日都冇乜問題姐。更何況呢個世界有無痛、止痛針。
特別係我已經選擇咗要餵人奶，經過陣痛同埋自然嘅生產，成個身體所有細胞都經歷過一次劇烈嘅運動，應該無細胞唔知道我已經生咗BB出嚟。身體細胞知道咗生產已經完成，鬆弛素都會即刻收皮、令子宮收縮嘅荷爾蒙就會開始運作、身體又可以同對奶講快啲開始上奶。我覺得擇日開刀生產會令到以上嘅嘢有delay。
利益申報，我唔係醫生，我純粹係一個師奶嘅諗法，去想像我身體工廠點運作渣。
人哋夠話順產回復得快啲啦，我生完成三個禮拜都行到好似隻蟹咁，仲唔係因為痔瘡，而係因為下面傷口痛，最後要去醫院放鬆啲線先至行到似返個人。邊有話得埋㗎。
開刀嘅原因
個肚係自己嘅，到時回復得快定慢都係自己嘅選擇。如果媽媽本身意志唔夠堅定(而家覺得一定要食全餐架啦)，又或者真係覺得好怕痛，覺得會痛到個頭近嘅，咁你直接擇日開刀啦，無謂嘥時間捱陣痛。
部分醫生擇日開刀會收貴啲，一世人會生幾多個小朋友呀，錢係搵得返既。
條路自己揀，XX唔好喊就得啦。如果到時刀口位真係痛到喊…又或者生完隻野踩落去刀口位度…
咁，生仔邊有話唔痛架。係咪好有道理先。
生仔都要生三日
產後打大佬
餵奶篇
- 孕期 – 奶粉選擇
- 育兒 – 人奶 vs 奶粉
- 育兒 – 哺乳埋身篇
- 育兒 – 哺乳泵奶篇
- 育兒 – 電動奶泵嘅選擇
- 育兒 – 奶袋篇
- 育兒 – 塞奶篇(D118)
- 育兒 – 返工泵奶篇
- 非官方非正式之塞奶原因
- 育兒 – 追奶之路
尿片篇
洗錢篇