育兒 – 人奶 vs 奶粉

To 餵人奶or not to 餵,this is the question.

揀埋身親餵嘅,但又想了解餵母乳嘅慘況,呢邊:育兒 – 哺乳埋身篇

揀餵母乳又唔想埋身嘅,唔想承受隻鱷魚/恐龍嘅撕咬,呢邊:育兒 – 哺乳泵奶篇

揀奶粉嘅,相信小朋友有陽光、空氣、水份就會長大嘅,呢邊:孕期 – 奶粉選擇

乳鐵蛋白

人奶裏面有乳鐵蛋白,特別係黃金初乳入邊含量係最高。去到三個月嘅時候,乳鐵蛋白嘅含量就會下降到普通水平。有啲媽媽去到六個月嘅時候,乳鐵蛋白嘅數量就會再跌啲,但有啲媽媽就可以維持不變,直到12個月。但整體而言,比起奶粉入邊嘅乳鐵蛋白,人奶嘅乳鐵蛋白都比較容易吸收。

產後頭10日(有啲研究話係一個星期),出嘅喺黃金初乳,入邊嘅乳鐵蛋白(「每10,000克原乳只能提取1克乳鐵蛋白」)含量係最高嘅(~15-20%)。然後10日(有啲研究都係話一個星期)出嘅係過渡乳,乳鐵蛋白會低番啲。然後再10日(有啲話係產後28日之後)出嘅係成熟乳,乳鐵蛋白嘅含量會得返5%。

怪唔之得健康院話最好維持母乳餵哺到半年,而世衛嘅建議就係最好餵到一歲。可能因為香港地,要返工媽媽餵一年人奶,好唔make sense。不過到六個月,即係半歲嘅時候,BB都可以加固,吸取其他營養,所以都唔係一定要餵夠一年嘅。都係果句啦,有得餵咪餵囉,既然都冇嘅,咁都要餵奶粉㗎啦,都冇得你揀。

乳頭sensor

育兒 – Fun Fact > 乳頭sensor

褒獎人奶講座

第四次產檢:(第一次政府產檢)由於成個政府產檢嘅過程太豐富、太發人深省,所以需要一個更長的篇幅,去詳盡地講解。

上回提要,終於等到入房聽褒獎人奶、逼死喂奶粉之媽媽嘅講座。講解選擇喂人奶有八成嘅好處,其餘兩成係因為受到環境影響,媽媽先至選擇唔喂人奶,咁唔喂人奶BB就唔係咁好咁囉。

唔好唔喂人奶呀,奶粉係萬惡嘅根源,包括左「奶粉聲稱由零歲可以食到一歲,咁一歲都食得飽嘅份量,零歲嘅時候仲唔營養過盛?!開奶水份多咗又唔得,水份少咗BB營養又唔夠。人奶就係最天然又可以提供天然嘅抗體,又會夏天、冬天自動調節水份等等。」

又話BB係母體裏面嘅抗體淨係可以用到六個月,要完成發育過程,抗體嘅需求就要到兩歲,所以keep住六個月到兩歲嘅時候繼續喂人奶,咁就係對BB最好啦。唔使驚人奶嘅份量多同少,最緊要親喂,奶量就會慢慢上升。BB向出世之前會儲定糧同抗體,第一餐嘅份量好少,因為個胃得波子咁大,所以佢嘅食量就只係奶茶嘅茶匙。

未出世嘅時候BB係一個黑瞇擝嘅環境,一出世bb就需要親密嘅接觸增加安全感,親喂對媽媽嘅好處呢,就係喂奶收身收得快啲嘅,甚至乎佢會將之前懷孕期囤積嘅脂肪都會抽取埋入人奶入邊,唔好嘅嘢(例如毒素)就靠母體用肝臟、腎臟排毒,唔會過咗落人奶到。BB病痛少咗、奶粉錢又慳返,仲唔使浪費時間去煲奶樽、奶嘴添啊。

長遠而言,親喂人奶仲會對社會有正面嘅影響,有足夠抗體嘅BB係唔會加重政府醫療制度嘅負擔呀。(乜料啊)

然後仲有個問答Q and A環節,完全逼死在座嘅準媽媽。我仲記得佢問我條問題係,如果食咗藥,仲可唔可以喂人奶?我係新一代煩膠女子,點會咁易跌入問題嘅圈套,所以我係即刻答:要視乎食嗰隻藥係「醫生開完話可以喂人奶啊」定係「街邊買嘅成藥」,如果係對喂人奶有影響嘅藥,就唔應該繼續喂人奶。無懈可擊嘅答案。個資深姑娘比我K.O.左,佢應該係預期準媽媽答「唔可以」,然後佢再鬧返我哋、話我哋唔啱。結果係佢無得發洩,自己gu左度肚。鬼叫你條問題有漏洞呀。

親喂嘅好處,bb除咗人奶,唔需要額外補充水份,因為如果親喂嘅時候母乳就已經響調節好bb需要嘅水份。唔需要定時定候喂幾多餐奶,一放BB埋身佢想食嘅話佢就會啜,佢唔想食嘅話,你塞佢食佢都唔會吸。膠奶嘴會因為地心吸力自動出奶,BB如果食慣咗就會唔肯啜人奶。膠奶嘴嘅堅硬程度,仲會影響牙肉出牙嘅時間,同埋影響往後牙肉疾病嘅風險添呀。

驚辛苦終於捱過咗呢一個人奶講座。

 

 


生仔都要生三日

  1. 三日產房之旅 – 見紅入院篇
  2. 三日產房之旅 – 生仔都要趕deadline
  3. 三日兩夜病房餵奶遊戲

產後打大佬

  1. 出院後嘅混亂人生 (D4-D100)
  2. 孕期 – 順產 or 開刀
  3. 產後媽媽身體變化
  4. 育兒 – Fun Fact
  5. 育兒 – 加固之路

餵奶篇

  1. 孕期 – 奶粉選擇
  2. 育兒 – 人奶 vs 奶粉
  3. 育兒 – 哺乳埋身篇
  4. 育兒 – 哺乳泵奶篇
  5. 育兒 – 電動奶泵嘅選擇
  6. 育兒 – 奶袋篇
  7. 育兒 – 塞奶篇(D118)
  8. 育兒 – 返工泵奶篇
  9. 非官方非正式之塞奶原因
  10. 育兒 – 追奶之路

尿片篇

育兒 – 尿片篇

洗錢篇

  1. 產後購物清單
  2. 產後 – 紮肚篇
  3. 嬰兒攝影 – venture studio
  4. 產後 – 4-5個月購物清單
  5. 嬰兒攝影 – ABC studio

發表回覆

你的電郵地址並不會被公開。 必要欄位標記為 *