Royal Garden 帝苑酒店 – 套房、入lounge、自助餐

2021年3月尾。今次黎到尖沙咀嘅帝苑酒店,又稱蝴蝶酥酒店。今次係因為朋友相約一齊住套房,然後包一餐晚餐自助餐,仲可以入lounge。總數HKD2xxx一晚。

Check-in

由於我哋10:00已經到咗帝苑酒店,咁就不如早少少check-in,雖然拎唔到房住,但係都可以唔使排隊Check-in咗先。Check in 時前台極唔專業。

因為我哋Book咗四間房,所以盡量希望可以安排到相鄰嘅房間,同埋都要大床,順便問埋朋友要唔要浴缸。咁我又覺得,都係睇吓你安唔安排到,起碼我問咗先。Serve我哋位姐姐唔錯,好有禮貌,但隔離嗰個阿姐,響個客面前,鬧我地果位姐姐,仲話:「淨係整佢哋兩個間房先」。其實有啲乜嘢你要教女嘅,但係可以私底下先至教,點都唔會響個客面前咁樣講啦下嘛。所以比起香格里拉嘅質素,就明白帝苑仲有排追。又或者佢根本就不屑去追。

地下果層冇廁所,廁所要上到3樓,入到洗手間居然冇鹼液⋯⋯Are you serious?所以一開始,觀感就已經唔好。

房型

果盤

一嚟就見到有筒免費嘅pringle,然後見到熱水壺壺嘴好污糟,都係淨係要你煲水,淥浴缸算啦。

電視可以拉出少少,然後博switch。

浴室企缸用布簾,以為企缸入邊有污跡好污糟,攞熱水淥左幾次之後發現佢係直情崩咗。

沖涼皂、護髮素用落比想像中好用。Panasonic風筒唔錯。沖涼嘅時候開洗手盆,水溫係冇影響。

Lounge

然後就去重頭戲,入lounge,成個package最抵嘅一環。都有幾樣熟食小食,有蛋糕仔,任飲茶包、咖啡、果汁、汽水、甚至酒。仲有picnic、棉花糖、曲奇餅,最緊要係仲有蝴蝶酥,我食咗勁多回本。我哋基本上無返過房乜滯,全程齋坐喺度chitchat。

由lounge望落去,影一個假全景。

由透明電梯,又影一影。

自助餐

然後喺lounge食嘅嘢都未落格,就要落樓食晚餐自助餐。仲記得安排咗坐響個大螢幕下面,一邊食、大螢幕嘅光係咁殘住隻眼,並唔係一個好好嘅用餐體驗。如果冇記錯,鵝肝係有時供應,拎晒就要等下一round。半邊龍蝦同鮑魚就好似人人卷去拎。

由於分咗兩段用餐時間,呢一餐自助餐食得幾匆忙,朋友連蟹腳都唔係好夠時間食,就要趕住交枱。

然後食完自助餐,又走咗上去個lounge度飲嘢。坦白講,係第一次staycation飲得足夠多水嘅地方。

早餐

因為有咗,去邊度staycation都會request食熟蛋。然後帝苑嘅全熟蛋,中間係唔熟嘅⋯⋯麥片旁邊剩係得凍奶,要行到冇雷公咁遠,先搵到熱牛奶。

然後食完早餐,梗係又返上lounge坐。

戰利品


Staycation合集

  1. [豪華團] 九龍香格里拉兩日一夜 Staycation Offer
  2. [豪華團] 港島香格里拉 (ISL) – Staycation – 酒店篇
  3. [服務式住宅] K11 ARTUS 試住服務式住宅 – 房型篇
  4. 九龍香格里拉 Welcome Back Offer – 豪華閣 (房型)
  5. The Murray – $3,xxx 包3道菜晚餐、早餐、下午茶 – 房型
  6. Ritz-Carlton 麗思卡爾頓 – 堅離地食玩瞓系列 – 房內
  7. The Mira Hong Kong 美麗華酒店 – 窮遊donki之旅
  8. Courtyard by Marriott HK Shatin 沙田萬怡酒店 – 入camp體驗
  9. Courtyard by Marriott HK Shatin 沙田萬怡酒店 – 入camp但住suite係咩玩法
  10. Royal Garden 帝苑酒店 – 套房、入lounge、自助餐

發表回覆

你的電郵地址並不會被公開。 必要欄位標記為 *