小寶之前申請咗張花旗銀行嘅cash back信用卡，其中一個迎新優惠就係攞到文華東方兩位下午茶禮券。
然後一路拖咗好耐，先肯同我去食個下午茶。
waiter哥哥會比成個下午茶嘅餐單我哋睇，我見海南雞飯都只不過係三百幾蚊，咁都同M88樓上嘅日本定食價錢差唔多姐。
下午茶Tea set嘅正價係368一個人，加埋一嘅話成$400，即係話我哋兩個人食咗$800。
由於係酒店，我循例都問聲佢可唔可以換咗啲生嘅食物，點知佢問完返嚟就話剩係得個煙三文魚係生嘅，但就冇得換其他，問我使唔使幫我走咗佢，咁我唯有叫佢照上，等小寶食多舊。
下午茶架，就梗係要來打卡呃like，整體鹹點甜點嘅味道比Murray好。玫瑰果醬係MO嘅signature，我覺得都幾特別，但個人鍾意另一個醬多啲。scone第一舊係熱嘅，但可能我哋食得太慢，後尾都已經凍哂。
最後我哋仲打包左個玫瑰果撻，究竟係因為我哋細食，定係八百幾蚊真係令人食唔晒。
全程仲聽着後面嗰台，已經唔優做嘅保險經紀，一路分享佢有幾咁愛護佢嘅朋友，唔會出力hard sell朋友保單。又點樣買咗一個三百幾萬嘅半山單位，先至意識到唔敢話俾人哋聽自己住喺深水埗。再加上點樣強調單身嘅好處，亦都唔需要搵男人。公司嘅每朝早會佢都唔使特登返去，因為佢同老闆講佢搵夠就算，然後佢朋友就問佢「咁你今日唔開單都得啦喎？」都真係一個可以增加食慾嘅小插曲。
呢期真係無論去到邊度，Staycation又好、普通餐廳都好，飲得嘅嘢不外乎係熱檸水、熱薑蜜，酒店先至會有cranberry juice，仲要走冰。
Cafe Causette
中環干諾道中5號香港文華東方酒店閣樓
M/F, Mandarin Oriental Hong Kong, 5 Connaught Road Central, Central