2021年3月中，今次黎到沙田萬怡酒店。今次又係因為Marriott Bonvoy Gold member有雙倍積分同雙倍晚數，再加上點都要試一次入camp去體驗一下。今日總數HKD700一晚。
大堂好大，裝潢有啲似東涌Sheraton。行政酒廊搬咗落地下，好開陽，但冇風景睇。
Check-in等候都係合理時間，然後拍卡上樓。
房形
明明in-app房形都話有浴缸，但實際得企缸，打電話去問，原來全部柴房都係得企缸。
地氈係長頸鹿嘅斑紋。
Mini bar係吉既，連茶包都冇，柴房就真係柴房。
check-in段第一件事就梗係清潔左成間房先。真係有做鐘點嘅感覺。
然後發現咗佢留低咗第二間房嘅greeting card 喺我哋房度。勁好笑，我哋知道陳小姐已經係welcome back。打個電話叫佢收返張卡，我哋擔心陳小姐會投訴點解冇greeting卡。
再順便叫佢比多隻碟同埋餐具，比我哋食生果。點知等到隻碟嚟嘅時候勁污糟，仲要自己幫佢洗。好似係第一次上到酒店房之後咁想去食juicy嘅野，隻火龍果又幾甜嘅。唔通沙田嘅氣候係乾燥啲？
水龍頭龍頭太短，洗手會撞到洗手盆邊。我覺得水壓穩定。小寶覺得沖涼時會受到其他房開水影響水溫。
沖涼皂嘅數量係足夠嘅，唔使叫佢追加。
城市、河景
可能因為有咗，體力值下降。基本上一路食個火龍果，一路坐喺窗台就睇城市同河景，然後就已經用晒啲體力，完全唔想郁。一路睇到入黑，極糜爛。
夜晚去咗食呢一間[Food] 蒸廬 The Steam Hut @Shatin
房外
健身室
門口行過，當參觀左。
早餐
終於嚟到見識搶包山嘅環節。
目測其實有好多嘢食，可惜好多生冷野凍野我都唔食得。終於見識到個中式蒸籠，但可能我冇遇到佢開籠嘅時候，見唔到搶包山嘅盛況。
At the end食咗個西式早餐，加隻煎熟蛋，然後仲破天荒自助餐居然食咗碗麵。我見到粥隔離居然可以加鹹蛋黃！
食飽飽之後就返返房，玩左陣Switch，然後就等轉房。
Staycation合集
- [豪華團] 九龍香格里拉兩日一夜 Staycation Offer
- [豪華團] 港島香格里拉 (ISL) – Staycation – 酒店篇
- [服務式住宅] K11 ARTUS 試住服務式住宅 – 房型篇
- 九龍香格里拉 Welcome Back Offer – 豪華閣 （房型）
- The Murray – $3,xxx 包3道菜晚餐、早餐、下午茶 – 房型
- Ritz-Carlton 麗思卡爾頓 – 堅離地食玩瞓系列 – 房內
- The Mira Hong Kong 美麗華酒店 – 窮遊donki之旅
- Courtyard by Marriott HK Shatin 沙田萬怡酒店 – 入camp體驗
- Courtyard by Marriott HK Shatin 沙田萬怡酒店 – 入camp但住suite係咩玩法
- Royal Garden 帝苑酒店 – 套房、入lounge、自助餐