ISL – Horizon Club 豪華閣之旅 – 泳池

食到飽飽,梗係郁動下。反正我又唔係好遊到水,都係浸下水玩吓啫。

沿途經過健身室,都好似好多設施。

睇吓更衣室入邊嘅環境先,吹風機響櫃桶入邊,locker好Grand好靚,係電動鎖匙嘅。

吹吹下頭隔離都有個鐘話俾你聽幾點,如果約咗人就唔驚會遲到。棉花棒化妝棉都放落去盒仔入邊好subtle。仲有fing乾泳衣機。

淋浴間仲有大枝裝嘅沖涼洗頭水護髮素,咁就唔使塞住個身上返房先沖涼啦。

今日冇乜太陽,落水都有啲凍。記錄一下,已經做晒心理準備同BB講話媽咪要落水浸下,點知一落水嘅時候,BB攬埋一舊好緊張,成個肚僵硬咗,緊到我成個人都震晒,連棚牙都係咁震。去到第二日再落水就冇事啦,所以BB係對住一個陌生嘅環境,有水壓、又冇溫度嘅環境感到緊張啫,試多幾次就唔驚啦。

2021年5月

ISL – Horizon Club 豪華閣之旅 – 房型
ISL – Horizon Club 豪華閣之旅 – lounge cocktail抵玩,Petrus早餐失望
ISL – Horizon Club 豪華閣之旅 – 泳池

ISL – Horizon Club 豪華閣之旅 – lounge cocktail抵玩,Petrus早餐失望

呢個package最抵玩個樣嘢,係會包入lounge同埋Petrus 早餐。 一行人明明啱啱先食完午餐, 即刻動物衝入lounge飲野。

繼續閱讀 「ISL – Horizon Club 豪華閣之旅 – lounge cocktail抵玩,Petrus早餐失望」

[Food] 帝苑酒店下嘅Sabatini @TST

2021年7月,有一日有個Auntie請食飯,去左帝苑酒店下嘅Sabatini。所以有幸可以食到貴貴嘅行政人員午餐,即係如果要自己俾錢就唔會去食嗰種。

裝修都特別嘅,但係總有一種昏昏黃黃嘅感覺,可能係行懷舊情懷。但係三個人坐呢一張枱,未免有啲迫⋯⋯

餐牌

麵包籃,算係唔錯,因為我唔鍾意食硬骨骨嘅麵包,呢度嘅麵包係鬆軟嘅。

廚房仲比多一隻特別嘅醬我哋試,英文名,所以我唔識佢係咩嚟嘅。口感幾特別,都係啲來佬嘢啦。

前菜鴨肝Parma ham,雖然陀住個細嘅,有得食先至係開心媽媽,所以照食。

主菜,果然係啱小鳥胃嘅人食。坦白講,我覺得唔夠肉囉。

再嚟就係餐茶,同埋甜品。佢有成個甜品車,然後waiter同我講,所有嘢都有生蛋,所以你唔食得。蝴蝶酥我食得啦掛⋯⋯

唔通有咗真係唔可以食生野?嗰晚返屋企,我肚痾⋯⋯

孕期 – 奶粉選擇

點解奶粉嘅選擇係屬於孕期,而唔係育兒嘅階段呢?主要係因為如果你入到醫院之後,BB一出世,如果你唔夠奶,醫院就會問你想飲邊隻牌子嘅水奶。如果到時生完(touch wood)真係無奶,突然要揀奶都幾頭痕。

至於奶粉定人奶嘅選擇,真係好個人。千祈千祈唔好受到其他人嘅影響,我自己係行人奶之路,但係中間經歷過痛苦,真係要好有堅持先至捱得過。如果本身個人意志力薄弱,咁就算啦,無謂傷害自己。Happy mum Happy family。傳送去:「育兒 – 人奶 vs 奶粉

繼續閱讀 「孕期 – 奶粉選擇」

育兒 – N/K班

如果有去過BB展,就會知道教育都係需要好早開始預備嘅。特別係如果係,又要搬屋又要做信箱攞地址搬名校區,就更加需要預早準備。但我自問冇咁好嘅心機,只係響我有限嘅能力上網做吓research就算數。

整合本文到[育兒 – 報學校懶人包]。

繼續閱讀 「育兒 – N/K班」

孕期 – 改名 (陳正匡師傅)

幾時改名?改咗名未?亦係孕期Q&A常見嘅問題之一,由於我同小寶都係疑似文盲懶,所以有咗時辰八字之後直接外判出去搵人改,到時如果收返返嚟啲名唔啱嘅,咪再搵第二個改囉。錢解決到嘅問題就唔係問題,最大問題係冇錢姐。

繼續閱讀 「孕期 – 改名 (陳正匡師傅)」

[Food] Bizou American Brasserie @Admiralty

呢一晚入住左港島香格里拉,因為淨係包Horizon Club Lounge Access,雖然食到都幾飽,但始終唔包晚餐,所以都要出嚟搵好西食。既然大家都唔係好肚餓,咁就食個輕盈嘅晚餐,但都唔知點解揀咗間扒房。 繼續閱讀 「[Food] Bizou American Brasserie @Admiralty」