[財務類] 信用卡大全 – 分工

信用卡有好多種,當每次去到要俾錢嘅時候,就要諗一諗用邊張信用卡可以攞到最多嘅回贈。

以下列舉左,我同小寶主要持有嘅信用卡,同埋使用範圍:

(1) 恒生Enjoy信用卡

係一張好有用嘅信用卡,基本上人人都需要用佢來做基本卡。因為佢最主要可以要嚟找「其他信用卡」嘅卡數!可以用來交到東亞、美國運通、渣打信用卡,etc。雖然找其他信用卡卡數唔會儲到cash dollar,但就賺咗免息還款期,多咗錢就可以照放響大新滾存360出糧戶口嘅利息~今日響自己袋嘅一蚊,係貴過聽日響自己袋嘅一蚊。

網上銀行eBanking繳費有積分(交保費都有),依家會自動轉過去YUU,我要來食免費嘅KFC。[迎新優惠] YUU

甚至乎有一期,用恒生信用卡去找自由鳥月費,會有額外折扣優惠。

(2) DBS Black World Master

平時簽帳$6=1mile;海外簽帳$4=1mile//$83.3=DBS$1 (大約1.2%現金回贈)

DBS儲嘅係DBS dollars,響現今大時代影響下,DBS dollars盡可攻退可守,唔使硬轉晒AM。但要留意番,簽帳金額要過$125以上,先至會可以儲到積分

又過咗一期,用DBS信用卡嘅DBS$去找自由鳥月費,會有大概七折折扣優惠。

2021 cut左,等食迎新。

(3) BEA Flyerworld Master (2021 cut)

平時簽帳$5=40pt=1mile

BEA張卡儲分要求好低,就算我去無印買10幾蚊野,都會碌佢,基本上係生活基本花費都係碌佢先。每個月對過啲數冇問題(如果有大額花費,就highlight佢警惕自己),就可以用恒生找東亞卡數,又賺咗差唔多一個月免息還款期。

//[財務類] 每月恆常固定任務 – 如何找卡數

因為里數貶值,2021 cut左,過個冷河,一年後又係一條好漢。但我懷疑好多人響同年一齊cut卡,所以BEA由四月開始,就不停send推廣優惠,就算我cut咗張信用卡已經兩個禮拜,仍然不斷收到。

(4) Amex CX Elite Explorer/ Credit card (大頭) / Charge Card (細頭)

曾經為咗食細頭$2000回贈,去誠哥嘅舖頭就梗係要碌細頭啦。食晒$2000回贈,剩餘嘅數可以用Pay with Points。

詳情請見其他文章。

Amex 信用卡 – Explorer / 細頭 / 大頭 – 2021年完美安排

    1. 向白金出發第一步之 Amex 入門卡 – 美國運通國泰航空尊尚信用卡 Amex CX Elite card
    2. Amex Platinum Card 美國運通白金卡(細頭) – 那些年我食盡的優惠
      1. 那些年我食盡的細頭優惠 – Shiseido免費試用裝
      2. 那些年我食盡的細頭優惠 – 現金回贈 HK$2,000 (May) & HK$2,500 (Jan)
    3. Amex 美國運通 Explorer™ 信用卡

(5) 渣打

SCB Asia Miles 渣打亞洲萬里通信用卡

未有Citibank cash back之前,去任何食肆就係用呢一張,$4=1mile,但由於里數貶值,之後都唔係好想用佢。

用嚟玩八達通增值嘅卡。申請咗幾張附屬卡,將全家八達通自動增值分別掛落去度。里數而家貶緊值,渣打係嗰時最抵玩嘅一張卡。 2021年cut左

渣打 Smart Card

迎新優惠:首兩個月內HK$4,000簽賬有25%回贈,啫係簽HK$4,000就有HK$1,000現金回贈

5%現金回贈 (超市及日用品商戶 – DONKI、759、百佳、Foodpanda、屈臣氏、Circle K) – 合資格簽賬之最高金額為港幣60,000元

8%現金回贈(HKTVmall至31/12/2021) – 最高只可享HK$800現金回贈 (=最高金額為港幣10,000元)

小寶申請左呢張信用卡,用嚟購買中後期購物清單,主要食完隻迎新就已經冇用,等夠期然後cut卡。渣打玩法係6個月又係一條好漢新客戶。不過個風險係,cut dormant嘅卡唔會搞到信貸評級,但cut active卡有機會會影響到,所以建議唔好cut得太密,可以兩公婆,一人用一年,卡拉一年咁申請。

渣打 Simply Cash

普通簽帳:冇上限1.5%回贈
PayMe、八達通:無上限1.5%

渣打嘅玩法係,只要你曾經響六個月內持有任何渣打信用卡,先至可以食到迎新。好可惜我將Asia Mile係2021年頭先cut,趕唔切6個月食呢一張卡嘅迎新。

等過咗六個月冷河之後,可以考慮吓申請呢一張嚟玩PayMe同埋八達通。

(6) Dah Sing Link 大新領展卡

係某一次要做大新360出糧服務嘅時候,申請嘅一張卡。主要用嚟,響領展旗下嘅食肆消費,然後泊車可以多一個鐘。

(7) Citi Cash Back

本地簽帳:冇上限1%現金回贈(食肆及酒店簽帳2%現金回贈)
八達通自動增值:1%現金回贈
電子錢包(Payme/Alipay/Wechat pay):1%現金回贈

2021年考慮到生產完之後冇咁多時間玩信用卡,將主要每月任務歸納同一張信用卡,到其時Mark數、找數都會方便好多。呢張卡唯一缺點就係佢博唔到落去恒生信用卡度找數。同埋要常用先得,每個月好似要夠200/250回贈先會自己入statement。

Citi Payall: 為咗食$1800超市禮券嘅推廣,同埋睇吓抽唔抽得中部Dyson空氣清新機,分別玩三個月payall,同埋六個月payall。[[花旗] Citibank Cash Back – 零成本玩Citibank Payall]

(8) BOC Good Day

當年係用呢一張信用卡去中銀月供股票,因為中銀月供股票嗰個選擇多,同埋每月手續費平。自從因為職業緣故,費事持有坊間其他證券戶口,咁所以中銀嘅月供股票都要停咗佢,自自然呢張卡就可以壽終正寢。

[中銀] 中銀 Good Day 白金信用卡 – 開黎做月供股票、BoC pay、cut卡需知

(9) 信銀國際Motion信用卡

為咗找私家醫院條數,食迎新用。孕期 – 入院前準備 (走佬袋、申請信用卡)
Moneyhero申請送$500;簽$8000回$800
所以諗住用呢張卡先碌$8000,total迎新食$1300
首6個月10%網上簽帳(上限回$1000)- 合資格簽賬之最高金額為港幣10,000元
期後6%食肆或網上簽帳(上限每月回$200)- 合資格簽賬之最高金額為港幣3,333元

(10) 安信EarnMORE銀聯卡

為咗找私家醫院條數,食迎新用。孕期 – 入院前準備 (走佬袋、申請信用卡)

Moneyhero: 額外有$300現金回贈+$250 Apple禮品卡
首90日簽滿HK$8,500回$500(再加基本簽賬回贈2%,$170)
期後本地港幣簽賬統一現金回贈2% (首HK$200,000簽賬)〖暫時係全場最抵,2021年申請完,到2023年小寶都仲keep住呢張卡〗

然後再用呢張卡錄埋私院尾數(絕對係$20萬以內),迎新食$970,尾數就2%(e.g. (~$70000-$8000 motion)*2%=$1240)。

 


財務類合集

理財類

  1. 老生常談之開源篇 – 出糧戶口篇
  2. 老生常談之節流篇 – 招財表(錢錢Excel表)

銀行類

  1. 大新360出糧戶口 – 每月派最多$2,000活期利息 – 2020
  2. [星展開戶]港幣一百萬就咁放到八月就有HK$5,800!
  3. [中銀] 為郵寄銀行結單而保留的中國銀行戶口
  4. [離岸戶口] Barclays – 1. 起手篇 (成功)
  5. [理財類] 大新360出糧戶口 – 每月派最多$1,000活期利息 – 2021
  6. [恒生開戶] 港幣一百萬就咁放到七月就有HK$2,000!
  7. [理財類] 渣打紅利出糧戶口 – 九月前派$900 – 2021

信用卡類

  1. [財務類] 每月恆常固定任務 – 如何找卡數
  2. [信用卡] 信貸評級篇 – 如何調整信用額(+/-)
  3. [財務類] 信用卡大全 – 分工
  4. [財務類] 每月月頭任務 – 如何張八達通嘅錢轉返入銀行戶口
  5. Amex 信用卡 – Explorer / 細頭 / 大頭 – 2021年完美安排
    1. 向白金出發第一步之 Amex 入門卡 – 美國運通國泰航空尊尚信用卡 Amex CX Elite card
    2. Amex Platinum Card 美國運通白金卡(細頭) – 那些年我食盡的優惠
      1. 那些年我食盡的細頭優惠 – Shiseido免費試用裝
      2. 那些年我食盡的細頭優惠 – 現金回贈 HK$2,000 (May) & HK$2,500 (Jan)
    3. Amex 美國運通 Explorer™ 信用卡
  6. [中銀] 中銀 Good Day 白金信用卡 – 開黎做月供股票、BoC pay、cut卡需知
  7. [電訊商] 「自由鳥 x 恒生信用卡DORI上台優惠」
  8. DBS Black World Master Card – European Economic Area Transaction fee
  9. 東亞信用卡被盜用!可以點算?
  10. [花旗] Citibank Cash Back – 零成本玩Citibank Payall
  11. [花旗] Citibank Cash Back – 零成本玩Citibank Payall (第二彈)
  12. [渣打] Smart Card – $4000回$1000

證券類

  1. [證券戶口] 銀行戶口實太多,證券戶口整合無難度
  2. [股票射倉] 渣打中銀股票射倉流程

發表回覆

你的電郵地址並不會被公開。 必要欄位標記為 *