孕期 – 媽媽會贈品

作為一個知慳識儉嘅師奶,響過咗三四個月嘅唔舒服階段,有一日瞓醒,就覺得自己需要研究吓媽媽會。所以就響project august 嘅excel入面,開始列出唔同類型嘅媽媽會,再逐個擊破(?)。

媽媽奶篇

人哋話如果響食療補充到足夠嘅營養,就唔需要飲媽媽奶,因為飲媽媽奶真係好肥。由於我頭三四個月嘅體重係一路向下急降,所以我都懷疑究竟隻野夠唔夠營養,反正又拎到媽媽奶嘅贈品,咁響第四個月嘅時候就有間竭性地飲下媽媽奶,點知就發現第五六個月體重急升(咁都唔一定關媽媽奶事嘅,果段時間餓咗幾個月,我真係好似餓鬼投胎咁,係澱粉質嘅嘢都想擺入口)。之後就轉投入滴雞精嘅懷抱,好似話會長胎又唔長媽媽嘅肉。滴雞精嘅比較

雅培媽媽奶ok,試用裝,味道容易入口啲。之後仲用咗一張贈品券佢拎咗一罐返嚟飲。
美素佳兒Friso媽媽奶ok,試用裝有5包,騷啲甜啲,飲完就算。
美贊臣,試用裝一包,又酸又臭,飲到一半已經好想倒咗佢。

尿片篇

一開始就已經將尿片類別嘅媽媽會,放到去最後先至申請。因為諗住如果太早申請,佢啲贈品太早寄過嚟,因為冇位擺,二黎可能會受潮。所以就算睇咗幾次BB展,都冇現場加入尿片類別嘅媽媽會。

未完待續

 


懷孕全集:

  1. 懷孕產檢時間表 – 深度research
  2. 懷孕產檢時間表 – 早期懷孕檢查(包括T21、鴨咀、B鏈)
  3. 懷孕產檢時間表 – 中期懷孕檢查(包括照結構)
  4. 懷孕產檢時間表 – 後期懷孕檢查
  5. 孕期 – 早期購物清單
  6. 孕期 – 滴雞精嘅比較
  7. 孕期 – 臍帶血儲存
  8. 孕期 – 媽媽會贈品
  9. 孕期 – 中後期購物清單
  10. 孕期 – 入院前準備 (走佬袋、申請信用卡)

發表回覆

你的電郵地址並不會被公開。 必要欄位標記為 *