Marriott’s Sunset Grill – Executive Lunch

響風和日麗嘅一日,成家走咗去東涌享受下人生,慶祝我終於有返胃口,一於食下貴野。

由於實行咗安心出行,填咗名留左資料先至可以入座。入咗見到口罩袋上面寫住Take cover,唔知點解覺得好好笑。全英文Menu,全英文點餐,點解冇人事先通知我嘅?好在響一片混亂中,我仲記得,”tap water will be fine”.

麵包有啲硬,但有海鹽嘅牛油係幾好食,所以我查左勁多。

個湯濃稠到,飲完已經有啲飽。凱撒沙律入面芝士味鹹香味好出,雖然冇得食沙律,但我有係咁撩啲芝士嚟食。

跟住上咗另一個前菜,牛肉他他,見到佢上面隻生蛋,就知唔啱我食啦。

食一食日光下嘅餐點。

前後嗌左四個餐,左起黑松露意大利飯,右邊係Snapper鯛魚,墊底仲有好好食嘅鮮奶油汁青口。左邊以為份量好少,但食咗幾啖就開始滯。最後我食咗好多隻奶油青口,好開心。

左邊係豬腩肉,食落有燒肉嘅感覺,但豬肉有啲韌,唔係我杯茶。右邊嘅係牛柳,超超超超好食,肉味濃,唔算肥,不枉我哋加咗60幾蚊去食呢塊牛柳。長薯條以為會唔好食,但食到最後仍然鬆脆,中間心唔會粉,抵讚。

由於就係驚份量太多,所以四個餐只有兩個係叫咗3 courses,所以得兩個甜品大家分享。左邊係蘋果批,食落一啲都唔會過甜,係少見嘅好食嘅蘋果批。右邊係士多啤梨奶凍,生果層略嫌太厚,如果奶凍多啲會開心啲,我仍然好怕酸。

最後叫咗個Earl Grey去chill一chill。原來set lunch係冇折扣優惠,反而我哋單嗌嘅Earl Grey有八折,平咗12蚊啦。因為係Marriott group,最後仲可以儲埋golden circle嘅積分。

走去吧枱影吓相。

食飽飽之後仲可以走出去戶外嘅環境,打個卡,享受下海風吹過嚟嘅感覺。但太陽有啲曬,如果要響呢一度chill住咁食嘢,就不了。雖然的確見到有對couple,坐響戶外,拎住高腳酒杯,吹到頭髮都亂了。哈哈,都幾寫意。

在線相關閱讀:

Mandarin Oriental’s Clipper Lounge – Lunch buffet
JW Marriott’s JW cafe – Lunch buffet
Shang Palace 香宮 @九龍香格里拉(KSL) – 晚餐
Nadaman 灘萬 – 商務午餐 – ミニ(Mini)懷石
Nadaman 灘萬 (九龍) – 商務午餐 – ミニ(Mini)懷石 (第二彈)
Marriott’s Sunset Grill – Executive Lunch

發表回覆

你的電郵地址並不會被公開。 必要欄位標記為 *