Amex 信用卡 – Explorer / 細頭 / 大頭 – 2021年完美安排

話咁快又過咗一年，我嘅American express 大頭、細頭遊戲，就係上年一月為咗歐洲度蜜月之旅臨急臨忙咁申請嘅。同一時間仲滾水淥腳、快馬加鞭咁申請晒各大酒店會籍，不停用電郵、電話同酒店交換訊息，諗返嗰陣時嘅工作效率真係好高。

好啦，計劃永遠趕不上變化，三月嘅歐遊計劃因為疫症關係完美取消咗。我仲好記得我哋嗰程Free one way嘅日本飛巴黎嘅商務客位，嗚嗚。就係因為2020年3月9號香港開始停飛日本，成個行程嘅第一站日本完美地拉倒左成個歐遊。都好在，我哋響二月用咗突如其來中獎嘅澳洲機票，都叫做有享用過Amex Centrion Lounge！2020年往後陸陸續續嘅staycation，都受惠於酒店會藉帶嚟唔同優惠！又收咗兩次現金回贈，一次$2000一次$2500！

中獎嘅澳洲機票:【202002 澳洲樹熊之旅】引子 – 如何善用Fine Hotel & Resorts用HK$25,000豪遊澳洲
食過Amex嘅優惠: Amex Platinum Card 美國運通白金卡(細頭) – 那些年我食盡的優惠

過咗一年啦，Amex細頭、大頭響一月嘅月結單分別出現咗$7800同$2200嘅年費收費。其實熱線哥哥都有話，正常來講擁有細頭嘅主卡人之大頭年費係會自動waive咗，我都直接回覆佢，係囉，可能我同電腦系統總係唔係好夾，為何總是我。好啦又係時間要諗一諗今年嘅大、細頭要點樣安排。

再加上，近日熱門話題Amex CX Elite card（向白金出發第一步之 Amex 入門卡 – 美國運通國泰航空尊尚信用卡 Amex CX Elite card），終於功成身退，將會由Explorer card 於2021年5月完全取代。唔，探索者卡首年免年費、其後每年$1800，我諗又可以有新玩法。

本身小寶持有：半島金卡

由於半島金卡已經持有一年以上，亦都響月頭收到$650年費，waive唔到年費就cut卡。記住記住cut卡之前一定要用晒啲積分，或者check吓有冇得將積分轉移去第二個戶口。本身諗住幫佢開張探索者卡將金卡嘅積分轉移過去，但係Amex話探索者卡嘅分係獨立嘅，但係如果響持有其他Amex卡嘅前提下，申請探索者卡就唔需要補交文件。

所以結論係，向金卡年費到期之前，將戶口嘅現有積分換晒超市現金卷。同時申請探索者卡，可以交少啲文件，等到批咗探索者卡，咁就可以cut張金卡。探索者卡迎新就有三個月內碌$5000，先賺$800城市超級現金卷，然後再計埋$3=1mile。

探索者卡本地簽帳（迎新期）: $1=5pt; $3=15pt=1mile (Max: $120,000/600,000pt)

詳情請見：Amex 美國運通 Explorer™ 信用卡

本身我持有：CX Elite、細頭、大頭

反正小寶申請咗探索者卡，我嘅CX Elite就sooner or later一定要cut 㗎。反正入面嘅分係會自動過咗去Asia Miles，所以就咁cut卡就可以。

打去熱線問咗如果我要繼續keep細頭，首先大頭可以免$2200年費，然後要比細頭$7800年費，Amex續會會送300,000積分(大約等於$1000超市禮券)(爬文話，每年差唔多要碌10萬蚊港紙，續會先會送500,000積分)，但付出左嘅$7800年費就唔會再entitle 本地簽帳嘅積分。

或者，我依家申請一張半島金卡，由於持有其他Amex卡，所以唔使補交文件。然後將大、細頭入邊嘅積分，喺年費到期之前，轉移晒落去半島金卡度。跟住cut咗大、細頭(所有附屬咭會順帶自動消失)。然後過幾個月，推薦小寶申請大、細頭，所以半島金卡入邊會有推薦人獎勵210,000積分(大約等於$700超市禮券)。

而到時，小寶要再食大、細頭嘅迎新。細頭會有新會員積分總共600,000積分(大約等於$2000超市禮券)。大頭就需要響三個月內碌$5000，先賺有$500城市超級現金卷，仲未計迎新優惠嘅本地簽帳計法。
細頭其後本地簽帳：$1=2pt; $7.5=15pt=1mile
大頭其後本地簽帳：$1=3pt; $5=15pt=1mile

好啦，精心規劃完，唔執行計劃就係垃圾，下一步就要動起來。我細頭果$2500回贈仲未食晒呀救命（那些年我食盡的細頭優惠 – 現金回贈 HK$2,000 (May) & HK$2,500 (Jan)）。

響整個規劃完成之後，就會變成我持有半島金卡，小寶持有探索者、細頭、大頭。登登登耶。

 

財務類合集

理財類

  1. 老生常談之開源篇 – 出糧戶口篇
  2. 老生常談之節流篇 – 招財表（錢錢Excel表）

銀行類

  1. 大新360出糧戶口 – 每月派最多$2,000活期利息 – 2020
  2. [星展開戶]港幣一百萬就咁放到八月就有HK$5,800！
  3. [中銀] 為郵寄銀行結單而保留的中國銀行戶口
  4. [離岸戶口] Barclays – 1. 起手篇 (成功)
  5. [理財類] 大新360出糧戶口 – 每月派最多$1,000活期利息 – 2021
  6. [恒生開戶] 港幣一百萬就咁放到七月就有HK$2,000！
  7. [理財類] 渣打紅利出糧戶口 – 九月前派$900 – 2021

信用卡類

  1. [財務類] 每月恆常固定任務 – 如何找卡數
  2. [信用卡] 信貸評級篇 – 如何調整信用額（+/-）
  3. [財務類] 信用卡大全 – 分工
  4. [財務類] 每月月頭任務 – 如何張八達通嘅錢轉返入銀行戶口
  5. Amex 信用卡 – Explorer / 細頭 / 大頭 – 2021年完美安排
    1. 向白金出發第一步之 Amex 入門卡 – 美國運通國泰航空尊尚信用卡 Amex CX Elite card
    2. Amex Platinum Card 美國運通白金卡(細頭) – 那些年我食盡的優惠
      1. 那些年我食盡的細頭優惠 – Shiseido免費試用裝
      2. 那些年我食盡的細頭優惠 – 現金回贈 HK$2,000 (May) & HK$2,500 (Jan)
    3. Amex 美國運通 Explorer™ 信用卡
  6. [中銀] 中銀 Good Day 白金信用卡 – 開黎做月供股票、BoC pay、cut卡需知
  7. [電訊商] 「自由鳥 x 恒生信用卡DORI上台優惠」
  8. DBS Black World Master Card – European Economic Area Transaction fee
  9. 東亞信用卡被盜用！可以點算？

證券類

  1. [證券戶口] 銀行戶口實太多，證券戶口整合無難度
  2. [股票射倉] 渣打中銀股票射倉流程

相關文章:

  1. Amex 美國運通 Explorer™ 信用卡
  2. 那些年我食盡的細頭優惠 – 現金回贈 HK$2,000 (May) & HK$2,500 (Jan)
  3. [財務類] 每月恆常固定任務 – 如何找卡數
  4. [財務類] 信用卡大全 – 分工
  5. [財務類] 每月任務 – 如何張八達通嘅錢轉返入銀行戶口
  6. [花旗] Citibank Cash Back – 零成本玩Citibank Payall

發表回覆

你的電郵地址並不會被公開。 必要欄位標記為 *