Amex 美國運通 Explorer™ 信用卡

近日熱門話題Amex CX Elite card(向白金出發第一步之 Amex 入門卡 – 美國運通國泰航空尊尚信用卡 Amex CX Elite card),終於功成身退,將會由Explorer card 於2021年5月完全取代。各大平台經已搶先搶閘介紹呢一張新探險者卡,仲用晒懲罰嘅方式去恐嚇你如果五月之前唔申請一張新嘅卡,到五月嗰時,舊嘅Amex CX Elite將會被探索者卡取代,到時仲會冇迎新優惠,你仲唔快啲申請?咩鬼都講晒,我仲有咩好講呢?

小藍筆記其實係我自己嘅筆記本黎。實不相瞞,有時我都會唔記得咗點樣去登入平時少用嘅Barclays網上銀行帳戶,我其實都係開返自己寫過嘅文章去逐個步驟跟住咁去做,所以我寫嘅嘢只不過係比自己參考㗎咋,哈哈哈。

如果你仍然持有Amex CX Elite card / CX card,可以即刻打上去熱線,詢問究竟你係咪特選客戶?會唔會有特別迎新優惠?由於我唔係響嗰張名單入邊,所以同路人甲喺網上申請一張新嘅探險者卡嘅迎新優惠係一樣嘅。鬼咩我呢啲小薯仔,又唔係每個月碌幾皮野,我師奶仔嚟嘅咋嘛,着數識拎已經好叻㗎啦。但我響爬文嘅時候的確有見過有啲神人,頭三個月內碌$5000,就會有$500+$500城市超級(City super)現金卷。原來Amex抽左六萬人做promo,高消費嘅客人先會抽得中。

探索者卡之基本(小薯仔)迎新優惠:

網上登記:$100現金券;三個月內使用一次:$200現金卷;三個月內碌$5000:$500現金卷 (總共$800城市超級現金券

頭三個月內迎新積分:
本地簽帳: $1=5pt; $3=15pt=1mile (Max: $120,000/600,000pt)
外幣簽帳: $1=5pt; $3=15pt=1mile (Max: $84,000/420,000pt)
簡單啲來講三個月內首先碌$5000就會有$800現金券,其後本地簽帳$120,000就盡人事。

如果係被推薦人,會再有多30,000pt(大約等於$100超市禮券)。而我係推薦人就會有多45,000pt(大約等於$150超市禮券)。

推薦申請連結:傳送門

探索者卡往後積分計算:

本地簽帳:$1=3pt; $5=15pt=1mile
外幣簽帳:$1=3.75pt; $4=15pt=1mile
指定商戶簽帳:$1=5pt; $3=15pt=1mile (包括Amazon, Apple Deliveroo, Foodpanda, Netflix, Watson’s wine; Agoda, Expedia, hotel.com, klook, etc)

由於我個人大腦比較唔發達,所以淨係識用同一個單位計算。以上優惠我精選左普通人去旅行或者日常生活常用到嘅選項。除咗轉里數,仲可以轉萬豪酒店積分,蝕少少之後再轉航空公司里數。

碌卡儲嘅積分唔會直入asiamiles,係儲返Amex point之後再決定redeem airline ticket定係萬豪酒店會籍積分。大約32,142Amex積分就可以換$100百佳coupon,因為225000Amex積金可以換到$700百佳coupon。

整體而言,呢張卡嘅本地簽帳可以做到$5=1mile,基本已經可以跟上BEA Fly World Master Card嘅腳步,再加上指定商戶簽帳,$3=1mile亦都已經玩轉咗個party。但仍然好可惜佢都係一張AE卡,所以響商戶接受度方面依然係輸蝕過Master Card。使用最多應該就係用呢一張指定嘅卡,響指定嘅商戶簽帳,另一個角度諗,響呢幾間指定商戶買嘢嘅時候,就唔使再煩惱用邊張信用卡啦。

年費

探索者卡首年免年費,往後每年$1800,我估應該如果擁有細頭卡就可以豁免。信用卡年費呢加野,你懂的,雖然探索者卡積分無限期,但要轉名持有都唔係好難啫。

 

 


財務類合集

理財類

  1. 老生常談之開源篇 – 出糧戶口篇
  2. 老生常談之節流篇 – 招財表(錢錢Excel表)

銀行類

  1. 大新360出糧戶口 – 每月派最多$2,000活期利息 – 2020
  2. [星展開戶]港幣一百萬就咁放到八月就有HK$5,800!
  3. [中銀] 為郵寄銀行結單而保留的中國銀行戶口
  4. [離岸戶口] Barclays – 1. 起手篇 (成功)
  5. [理財類] 大新360出糧戶口 – 每月派最多$1,000活期利息 – 2021
  6. [恒生開戶] 港幣一百萬就咁放到七月就有HK$2,000!
  7. [理財類] 渣打紅利出糧戶口 – 九月前派$900 – 2021

信用卡類

  1. [財務類] 每月恆常固定任務 – 如何找卡數
  2. [信用卡] 信貸評級篇 – 如何調整信用額(+/-)
  3. [財務類] 信用卡大全 – 分工
  4. [財務類] 每月月頭任務 – 如何張八達通嘅錢轉返入銀行戶口
  5. Amex 信用卡 – Explorer / 細頭 / 大頭 – 2021年完美安排
    1. 向白金出發第一步之 Amex 入門卡 – 美國運通國泰航空尊尚信用卡 Amex CX Elite card
    2. Amex Platinum Card 美國運通白金卡(細頭) – 那些年我食盡的優惠
      1. 那些年我食盡的細頭優惠 – Shiseido免費試用裝
      2. 那些年我食盡的細頭優惠 – 現金回贈 HK$2,000 (May) & HK$2,500 (Jan)
    3. Amex 美國運通 Explorer™ 信用卡
  6. [中銀] 中銀 Good Day 白金信用卡 – 開黎做月供股票、BoC pay、cut卡需知
  7. [電訊商] 「自由鳥 x 恒生信用卡DORI上台優惠」
  8. DBS Black World Master Card – European Economic Area Transaction fee
  9. 東亞信用卡被盜用!可以點算?

證券類

  1. [證券戶口] 銀行戶口實太多,證券戶口整合無難度
  2. [股票射倉] 渣打中銀股票射倉流程

發表回覆

你的電郵地址並不會被公開。 必要欄位標記為 *