[財務類] 每月任務 – 如何張八達通嘅錢轉返入銀行戶口

又到月頭，每個月頭都會有reminder彈出嚟，除咗提醒自己要比家用，就係要做每個月必做嘅八達通任務啦。

(1) 大新八達通提款咭

由於仲玩緊大新360出糧戶口，所以每個月都要起碼用一次大新八達通提款咭，增值HK$250。當年年紀小真係好乖每個月用一次呢一張八達通，仲要用超過HK$250為止。自從iPhone都支援NFC功能，就直接下載咗當年嘅」octopus」 app用」O! ePay」，響八達通入邊draw HK$250出黎，放入八達通銀包，當用咗。

(2) 有自動增值功能嘅八達通

然後再將申請咗自動增值功能嘅八達通，每日提取HK$500，放入八達通銀包，咁就每日可以自動增值一次。留意番，八達通自動增值功能每日淨係可以用一次，所以我曾經傻仔到朝頭早去玩自動增值，然後放工嘅時候因為已經用咗自動增值嘅quota，張卡唔能夠在增值，差啲唔夠錢搭車，搞到要換一張八達通⋯⋯

目前用緊渣打Asia Mile信用卡做自動增值，但由於Asia Mile里數貶值，好大機會都要轉用第二張現金回贈嘅信用卡⋯⋯初步估算互轉Citi Cash back master，有1%回贈。

大新八達通每個月淨係需要玩一次，有自動增值功能嘅八達通每個月最多都係玩六次(HK$500*6=HK$3000)。主要原因係，八達通銀包係可以每個月免費過返錢去銀行戶口，但佢嘅限額得$3000。但由於第二個步驟，每個月都玩唔足六次，又懶得去set reminder提醒自己要做六日，所以八達通銀包入邊多數都唔夠$3000。食唔盡嘅，冇所謂啦，有錢剩就再轉返去銀行戶口就已經好開心啦。

2020年12月，發現八達通銀包版面轉左位置。所以黎圖解一下：

右上角撳銀包。四個按鈕一定要識嘅，係增值(黃色)同轉出(藍色)。

又或者唔用轉出(藍色)，直接用付款(紅色)，用轉數快，直接轉錢落去自己電話號碼，在直入自己預設銀行。

撳咗「增值」(黃色)之後，就要揀由「邊度」增值到八達通銀包。我哋要由八達通拎錢出嚟，所以揀返「八達通」。

睇清楚上面嘅圖片，由左邊嘅八達通增值到右邊嘅八達通銀包。再輸入金額，例如我要玩大新360出糧戶口嘅，就輸入HK$250。然後將八達通卡放響電話NFC感應器後邊，就大功告成啦。