滑溜溜的芫荽茶碗蒸@sakitchen

響一田Windows shopping嘅時候忽發其想,不如買包料理包嚟整茶碗蒸。準備材料:一隻蛋、一包茶碗蒸之素。

一包有三袋,每袋係二人份量。

一袋使用一隻蛋,用咗HKTVmall買嘅日本蛋。小寶一爆開隻蛋,就散咗。剪開料理包,就聞到好香嘅堅魚汁嘅味道,入邊應該加左味醂掛。

相關閱讀推薦:[財務類] 每月恆常固定任務 – 如何找卡數

唔知點解,加完之後好香麻油味。然後就起勢咁發佢。哎呀好似太多泡添⋯⋯我有用筷子慢慢撥走啲泡,棄置。

發好之後就可以倒入容器。同時仲可以加香菇、雞肉、蟹柳⋯⋯whatever⋯⋯由於我哋諗住要來做宵夜嘅,所以純粹係蛋就夠晒啦。做乜姐,屋企唔夠茶碗蒸嘅杯仔呀嘛。

放入去有蒸蛋功能嘅蒸焗爐,嘩,好緊張,一開機啲蒸氣就響入邊噴灑出嚟。

衰心急,15分鐘就打開咗佢望一望,啲蒸氣走晒啦!

由於啲蒸氣中途走咗佬,total蒸咗20分鐘之後,唯有再加多2分鐘。

俯瞰圖:

係芫荽,我哋加咗芫荽。fusion菜呀嘛,你識咩啊。本身茶碗蒸話要加三葉⋯⋯宮水三葉咩,都係一塊葉姐,我覺得芫荽都係差唔多嗰啲嘢啦。

完成圖:

口感:入口真係滑一滑,好大浸芫荽味,如果在撥走多啲泡應該表面會再滑啲~淨係蛋已經好夠味。

在線相關閱讀:

日式蕨餅 @sakitchen
台式芋圓 @sakitchen
寒天果凍 - 蜜桃味 @sakitchen
香蕉煎餅(應該算是)@sakitchen
厚切梳乎厘班cake @sakitchen
師奶的日常 – 帶飯
鰹魚汁流心蛋 @sakitchen
分子料理之火山爆蛋 @sakitchen
滑溜溜的芫荽茶碗蒸@sakitchen

發表回覆

你的電郵地址並不會被公開。 必要欄位標記為 *