[離岸戶口] Barclays – 3.準備文件篇 (成功)

上回提到,如果要開一個離岸戶口,如果滿足到以下條件,咁我哋就可以去下一步準備文件啦。

要求:開戶三個月內存入GBP25,000(或等值貨幣)
開戶方法:線上填表格,集齊要交文件一次過寄過英國,然後,等。

準備文件篇

How do you want to proceed

就黎見家鄉啦,可以準備開戶文件啦(開戶文件官方傳送門)。根據佢嘅指示,需要提交經核證(certified)身分證明文件同埋地址證明。我以為同本地銀行要求一樣啦,佢又冇話需要糧單喎。

  1. 身分證明文件:根據官方要求,可以係國民身分證/護照/駕駛執照。國民身分證係需要有簽名式樣,香港身分證邊有姐,所以香港身分證連護照變相係基本要求。根據工作嘅經驗,星加坡嘅駕駛執照有埋居住地址,比較常用作為身分證明文件。
  2. 地址證明:銀行或水電煤單
    正本銀行月結單寄往現在居住地址(六個月內)ok,電子結單係唔接受嘅
    信用卡月結單接受Visa/Master/American Express,但一定要經郵寄去你屋企嘅正本,電子結單唔收
    水、電、煤、固網電話單ok,手提電話單唔收,全部要正本,電子結單唔收你話幾嚴謹呢,所以呢個時候,你就明白點解我要keep住一個中銀戶口([中銀] 為郵寄銀行結單而保留的中國銀行戶口),就算我轉晒全部銀行收電子結單,當有需要嘅時候,一年有六次機會可以免費線上申請要求中銀寄一張正本銀行月結單俾我。
  3. Client Agreement:去本地銀行開戶,都要簽一份開戶文件啦。所以佢要求你打印Client Agreement出嚟,簽番個名。London同Jersey, Guernsey and Isle of Man開戶嘅Agreement有唔同,要揀番啱先好print。
  4. 要取得核證副本(certified true copy),呢個時候就要尋求身邊律師朋友、會計師朋友嘅協助,又或本地銀行、本地大使館(收費唔平)(Application guide)。我自己雖然可以簽得,但成日到自己要申請時,就唔可以幫自己簽,能醫不自醫,唉。

銀行仲話埋俾你聽收到KYC文件後,最基本要兩個星期,先至會完成KYC(Know Your Client)步驟。

然後就沒有然後了,只能,等,寂寞到夜深。

 

離岸戶口合集

  1. Barclays – 起手篇
  2. Barclays – 準備文件篇
  3. Barclays – 填表篇
  4. Barclays – 開戶篇
  5. Barclays – 開立手機銀行、網上銀行

[離岸戶口] Barclays – 3.準備文件篇 (成功) 有 “ 2 則評論 ”

發表回覆

你的電郵地址並不會被公開。 必要欄位標記為 *