[理財類] 老生常談之開源篇 - 出糧戶口篇

財務自由呀、財務自由呀，點樣先可以達成到財務自由呢？小妹對數字唔敏感，但好鐘意錢，所以如果有可以零風險搵到錢既方法，緊係要研究下啦。小妹仍然向財務自由呢條路度慢慢摸索中，錢呢就仍然都係唔夠使既。話就話要財務自由，其實最首要係要開源節流。高階開源方法最主要嘅係投入既時間成本，取決於學歷、進修、機會、運氣⋯⋯全部都要靠累積努力先至可以達成。平民開源不外乎搵多幾份兼職、進修增加基本收入，都係要靠時間。至於投資呢，如果你唔係太有呢一方面嘅sense，子華哥都話，咁樣投資都只不過係投井。

雖然追唔番過去浪費左既時間，但今時今日仍然可以靠每月嘅手指勞力去賺取工作以外嘅額外收入⋯⋯就咁向網上銀行禁幾個制，每個月收息。邊度洗靠買股票或者外匯賺息蝕價呢。(大新360出糧戶口 – 每月派最多$2,000活期利息)

出糧戶口篇

今日要講嘅係零風險嘅財富增值。只要出嚟社會工作，就一定有糧出。所以出糧係必然嘅一個動作，我哋要利用呢個必然既transaction去賺額外既錢。銀行係好需要人類既存款嘅，所以佢出咗一啲產品氹你比錢佢。有利可圖嘅，咁我地就梗係要衝去享用啦。

你又可能話，出糧？我公司人力資源好煩架，要佢幫我轉銀行出糧，唔得架，做唔到架。孩子，山不轉路轉架姐，無問題係解決唔到既。

公司制度

首先我地畫鬼腳，分為兩部分，公司可唔可以比員工自己選擇出糧銀行先，得既就option 1，唔得嘅就option 2。

Option 1 – 揀好想玩出糧戶口既銀行，同人力資源申請轉出糧銀行，完成。
e.g. 公司＞大新360出糧戶口

Option 2 – 揀好想玩出糧戶口既銀行，準備好你想出比自己既糧放響第二間銀行，然後向第二間銀行用Standard Instruction (SI, 常行指示) （留意番，獅子銀行開立SI係要錢既，但向網上開立SI又唔使收錢㗎喎，好頂引），然後set好每個月轉帳一個數（SI）去你既出糧戶口，到指定日期，恭喜你你已經成功出糧俾自己，完成。
e.g. 公司＞公司指定銀行＞（SI轉帳去）大新360出糧戶口

Option 1 + Option 2 之進階玩法(假設)：
1號：銀行B set好常行指示過8萬蚊去銀行A
5號：銀行A收到指示（成功出糧），最好放一至兩日（費時銀行話你洗黑錢），然後轉去銀行C
10號：銀行C成功出糧，轉番去銀行A儲活期息
e.g. 公司＞公司指定銀行＞（SI轉帳去）渣打出糧戶口＞（SI轉帳去）大新360出糧戶口

大約啦，除非你非常眉精眼企，對數字異常敏感。如果唔係，SET得太複雜會玩到頭都暈。人類係有惰性嘅，太複雜你就唔會想繼續玩。

點都好，我地需要一間主打既銀行，最好就可以放錢向度，唔駛做定期都有息。但香港地，港幣活期嘅息口真係低到令你難以致信⋯⋯我又無錢買樓，邊度黎mortgage link既戶口（可以比番供樓既利息既厘數你）呢⋯⋯詳見《大新360出糧戶口 – 每月派最多$2,000活期利息》。

財務類合集

理財類

銀行類

信用卡類

證券類

相關文章: